36 ନାନ୍‍ନେ ବାଣ୍ଡା ମାତ୍‍ତାନ୍, ମିଡ଼୍ ନାକିଂଙ୍କ୍ ଚକାସେଡ଼ି କେର୍‍ସ୍ପିତିଡ଼୍ । ନାନ୍‍ନେ ରଗ୍‍ତେ ମାତ୍‍ତାନ୍, ନା ଯତନ୍ ଆତ୍‍ତିଡ଼୍‍ । ନାନ୍‍ନେ ବନ୍ଦିଲତ୍‍ତାଗେ ମାତ୍‍ତାନ୍, ନାକିଂଙ୍କ୍ ଉଡାଙ୍କ୍ ୱାତ୍‍ତିଡ଼୍ । 37 ଦାର୍ମିକ୍ ନାରୁଡ଼୍‍ ଉତ୍ତର୍ ହିଦ୍‍ତଡ଼୍, "ପ୍ରବୁ ! ବେସୁଙ୍କ୍‍ ନିକିଂଙ୍କ୍ କାର୍‍ୱିନ୍ ମାନ୍ଦାନାଦ୍ ଉଡ଼ି ତିନ୍ଦାଙ୍କ୍ ହିତ୍‍ତମ୍‍ ? ବେସୁଙ୍କ୍‍ ନିକିଂଙ୍କ୍ ଉନ୍ଦେ ୱାତ୍‍ତାଦ୍ ଉଡ଼ି ହୁନ୍ଦାଙ୍କ୍ ହିତ୍‍ତମ୍‍ ? 38 ବେସୁଙ୍କ୍‍ ନିମ୍‍ ପୁନ୍‍ୱେ ଆୟ୍‍ୟକଟ ମାତ୍‍ୱେୟ୍‍ ନିକିଂଙ୍କ୍ କାର୍‍ଙ୍ଗିତିଡ଼୍ ମାଡ଼୍‍ତମ୍ ? ବେସୁଙ୍କ୍‍ ବାଣ୍ଡା ମାନ୍ଦାନାଦ୍ ଉଡ଼ି ଚକା କେର୍ସ୍ପତମ ? 39 ବେସୁଙ୍କ୍‍ ନିକିଂଙ୍କ୍ ରଗ୍‍ତେ ବା ବନ୍ଦି ଅବସ୍ଥାତେ ଉଡ଼ି ନିକିଂଙ୍କ୍ ସେବା ମାଡ଼୍‍ତମ୍ ? 40 ରାଜାଲ୍ ଉତ୍ତର୍ ହିତ୍‍ତଣ୍ଡ୍, ନାନ୍‍ନେ ସତ୍ କେତୁତାନ୍, ହି ଦାଦାଲଡ଼୍ ଲୋପେ ସାର୍‍ରେତଡ଼୍‍ ଡ଼ାଗାଙ୍କ୍ ସୁଦୁର୍ ମାଇଦିଙ୍କ୍ ବାତେଏ ମାଡ଼୍‍ତିଡ଼୍ ଆଦ୍ ନା ମାଇଦିଙ୍କ୍ ମାଡ଼ିତିଡ଼୍ ।"