1 ତାନ୍ ମେଣ୍ଡନ୍ ଦିନ୍ ନାର୍‍କା ଜିସୁଙ୍କ୍ ରେହ୍‍ତାନ୍‍ ମାଇଦିଙ୍କ୍ ମୁକ୍ୟ ଯାଜକ୍ ନୁ ଦର୍ମନେତାଲଡ଼୍‍ ରାଜି ଆଦ୍‍ତଡ଼୍ । 2 ଅଡ଼୍‌ ଅଂକିଙ୍କ୍‌ ଇକ୍‍ଲେତେ ତହସ୍ ରମିୟ ସାର୍‍ରେ ରାଜ୍ୟତେ ରାଜ୍ୟପାଳ ପିଲାତନ୍‍ ଗାର୍‍ରେ ଆତ୍‍ତଡ଼୍ ।

3 ✝ ୨୭:3 ପ୍ରେରିତ ୧:୧୮,୧୯. ଶତ୍ରୁଡ଼୍ କାଇଦେ ହିଦାନ୍ ଯିହୁଦାଲ୍‍ କେଞ୍ଜ୍‍ତଣ୍ଡ୍ ଯେ, ଜିସୁଙ୍କ୍ ଦଣ୍ଡାଦେଶ ଆତ୍‍ତଣ୍ଡ୍, ଅଣ୍ଡ୍‌ ଅନୁତାପ୍‍ ମାଡ଼୍‍ତଣ୍ଡ୍ ତିରିଶ୍‍ଟାନ୍‍ ରୁପାଡ଼ାବ୍‍କ୍ ମାଲ୍‍ପିସ୍‍ କେତ୍‍ତଣ୍ଡ୍, 4 ୱେରନ୍ ନିର୍ଦଷ୍ ନାରୁନ୍ ନେତୁର୍‍ ସେଙ୍ଗେ ବିଶ୍ୱାସ୍ ଗାତକତା ମାଡ଼ି ନାନ୍‍ନେ ବେଡ଼୍‍ୟାଦ୍‍ ପାପ୍ ମାଡ଼୍‍ତାନ୍ । ଅଡ଼୍‌ ଉତ୍ତର୍ ହିତ୍‍ତଡ଼୍, "ମାୟାଦ୍‌ ଆଦିନାଗେ ବାତେଏ ମିନ୍ଦେ ? ଆଦ୍ ନିୟାଦ୍ ନିଜେତ୍ ଗଟ୍ ।"

5 ଯିହୁଦାଲ୍‍ ମୁଦ୍ରାକିଙ୍କ୍ ମନ୍ଦିର୍‍ତେ ଲୋପେ ହେସିସ୍‍ ଆତ୍‍ତଣ୍ଡ୍ । ତାନ୍ ପେର୍କେ ଆଞ୍ଜ୍ ଗୁଡ଼ୁଙ୍ଗାତାଗ୍ ନଡ଼ମ୍‍ ତହସ୍ ଗୁସ୍‍କ୍‍ ୱିଡ଼ି ଡଲ୍‍ତଣ୍ଡ୍ ।

6 ମୁକ୍ୟ ଯାଜକ୍ ମୁଦ୍ରାକିଙ୍କ୍ ପେହ୍‍କି କେତ୍‍ତନ୍‌, "ଇ ନେତୁର୍‍ତେ ମୁଲ୍ୟ । ହିୱ୍ ମନ୍ଦିର୍‌ତେ ବଣ୍ଡାର୍‌ତାଗେ ନେହ୍‍ତାନ୍‌ ନିୟମ୍‍ ବିରୁଦ୍‍ତେ ପାଡ଼୍‍ୟି ।" 7 ଆଦ୍ ଦନ୍‍ତିଙ୍କ୍ ବେଦ୍‍ପୁଟୁଙ୍କ୍ କର୍ସ ମାଡ଼ିତଡ଼୍, ହି ସମ୍ପର୍କତେ ୱେରଡ଼୍ ଆଲ୍‍ସି ମିକା ମାଡ଼ି "କୁମ୍ଭାର୍‍ତେ ୱାୟା," ପେଦେର୍‍ତେ ସୁକୁକ୍ ୱାୟା ଆସ୍‍ତଡ଼୍‍ । ହିଦ୍ ବିଦେସିଡ଼୍‍ କବର୍ ହିଦାନ୍ ପଡ଼ିୟେ ଲେକାମ୍ ବ୍ୟବହୃତ ଆତ୍‍ତେ । 8 ନେଣ୍ଡ୍‍ଜାକ ଆଦ୍ ୱାୟାଙ୍କ୍ ନେତୁର୍‍ ୱାୟା ଇଞ୍ଜ କେତୁତଡ଼୍ ।

9 ହିଦ୍‍ଲେକାମ୍ ଜିରିମୀୟ ବାବବାଦୀ କେସ୍‍ମାନ୍ଦାନ୍ ବାବବାନି ସାରେ ଆତ୍‍ତେ, "ବାତେଏ ତିରିଶ୍‍ପାଇସାତେ ୱାମାନ୍ ସେଙ୍ଗେ ଇସ୍ରାୟେଲିୟ ପେକଡ଼୍ ସମତ ମାଡ଼ିମାତ୍‍ତଡ଼୍ ଆଦ୍ ଆତ୍‍ତଡ଼୍, 10 ତିରିଶ୍‍ଟାନ୍‍ ମୁଦ୍ରାନେ ଅଡ଼୍‌ କୁମ୍ଭାର ୱାୟାଙ୍କ୍ ଆସ୍‍ତଡ଼୍‍ ହିଦ୍ ମାଡ଼ାନ୍ ଇଶ୍ୱର୍ ନାକିଂଙ୍କ୍ ଗଟ୍ ଇସ୍‌‍ମାତ୍‍ତନ୍ ।"

11 ଜିସୁଙ୍କ୍ ମୁନ୍‍ ଉଡ଼ି ରମିୟ ରାଜ୍ୟପାଲ ଅଂକିଙ୍କ୍‌ ପାଚ୍ରା ମାଡ଼୍‍ତଣ୍ଡ୍, "ନିମ୍‍ ବାତେଏ ଯିହୁଦିଡ଼୍ ରାଜାନି ?" ଜିସୁ ଅଂକିଙ୍କ୍‌ କେତ୍‍ତାନ୍, ହୋ ନିମ୍‍ ଆଦ୍ କେତୁତିନ୍ । 12 ବାତେଙ୍କ୍ ଇତ୍‍କେ ବେଡ଼ିୟ୍‍ ଯାଜକ୍ ନୁ ଦର୍ମନେତାଲଡ଼୍‍ ଅନ୍‌ ବିରୁଦ୍ଦ୍‌ତେ ତାସ୍‍ମାନ୍ଦାନ୍ ଅବିଯଗ୍, ଅଣ୍ଡ୍‌ ବାତେଏ କେଲଣ୍ଡ୍ ।

13 ଆଦିଙ୍କ୍ ପିଲାତ ଅଂକିଙ୍କ୍‌ କେତ୍‍ତଣ୍ଡ୍, ନି ବିରୁଦ୍‍ତେ ଅଡ଼ାଦ୍‌ ଅବିଯଗ୍ ସାରେ ନିମ୍‍ ବାତେଏ କେଞ୍ଜ୍‍ୱିନି ?

14 ବାତେଙ୍କ୍ ଇତ୍କେ ଜିସୁ ଉତ୍ତର୍‍ତେ ୱେରଡ଼୍ ବା ଗଟ୍ କେଲ୍‍ୱାଙ୍କ୍ ପିଲାତ ଗାଟି ବାକ୍‍ୱା ଆତ୍‍ତଣ୍ଡ୍ ।

15 ୱିଜା ପାଣ୍ଡୁମ୍ ୱେଲେ ନାରୁଡ଼୍ ଇଚ୍ଛା ଲେକାମ୍ ରମିୟ ଶାସନ୍‍କର୍ତାଲ୍ ଯେ ବେନ୍‌ଆଇ ଅର୍‍ତୁଙ୍କ୍ ବନ୍ଦି ନାରୁଙ୍କ୍ ମୁକ୍ତି ହିଦାନ୍ ନିତିମାତ୍‍ତେ । 16 ଆସୁଟେ "ବାରବ୍‍ବା," ପେଦେର୍‍ତଣ୍ଡ୍ ୱେରଣ୍ଡ୍ କାରାପ୍ ପାଡ଼ିୟିଦେ ବନ୍ଦି ଆସ୍ ମାତ୍‍ତଣ୍ଡ୍ । 17 ଆଗେ ୱାସ୍‍ମନ୍ଦାନ୍ ନାରୁଡ଼୍‍କିଂଙ୍କ୍ ପିଲାତ ପାଚ୍ରା ମାଡ଼୍‍ତଣ୍ଡ୍, "ନାନ୍‍ନେ ବେନଙ୍କ୍ ମୁକ୍ତିଇତାନ୍ ଇଞ୍ଜ ମିୟାଦ୍ ଇଚ୍ଛା ? ବାରବ୍‍ବାତିଙ୍କ୍ ନା ଜିସୁଙ୍କ୍ ବେନଙ୍କ୍ କ୍ରିଷ୍ଟ ହିଞ୍ଜ କେତାନଙ୍କ୍ । 18 ପିଲାତ ସାୟ୍‍ ପୁଞ୍ଜ୍‍ମାତ୍‍ତଣ୍ଡ୍ ଯେ ଯିହୁଦି ନେତାନଡ଼୍ କର୍ତ୍ତୁପକ୍ଷଡ଼ିଡ଼୍ ଇର୍ଷାତେ ସମର୍‍ପନ୍ ମାଡ଼୍‍ତଡ଼୍ ।

19 ପିଲାତ ବିଚାର୍‍ପଡ଼ିୟେତାଗେ କୁଦିମାନ୍ଦାନ୍ ୱେୟ୍ ଅନ୍‌ ମୁତ୍‍ତେ ୱେରଡ଼୍ ଗଟ୍ ରହ୍‍ତେ ଆ ଦାର୍ମିକ୍ ନାରୁଙ୍କ୍ ବାତେଏ ମାଡ଼୍‍ମାଟ୍ । ନିନେତ୍‍ ନାର୍‍କେତ୍ ୱେରଡ଼୍ ସାପ୍‍ନେତେ ଅନ୍‌ ମାଇଦିଙ୍କ୍ ନାନ୍‍ନେ ନାର୍‍ଗେ ଦୁଃକାମ୍ ମାଡ଼୍‍ତାନ୍ ।"

20 ବେଡ଼୍‍ୟାଦ୍‍ ଯାଜକ୍ ନୁ ଦର୍ମନେତାଲଡ଼୍‍ ବାର୍‍ବ୍‍ବାଙ୍କ୍ ପେସ୍‍ପି, ଜିସୁଙ୍କ୍ ଡଲାନ୍ ଦଣ୍ଡ୍ ଇଦାନ୍ ମାଇଦିଙ୍କ୍ ପିଲାତଙ୍କ୍‍ ଦାବୀ ମାଡ଼ାନଙ୍କ୍ ନାରୁଡ଼୍‍କିଂଙ୍କ୍ ଅସ୍ପିତ୍‍ତଡ଼୍‍ । 21 ପିଲାତ ମେଣ୍ଡେ ପାଚ୍ରା ମାଡ଼୍‍ତଣ୍ଡ୍, "ଇ ଇର୍‍ୱୁଡ଼୍ ଲପ୍ ନାନ୍‍ନେ ବେନଙ୍କ୍ ମୁକ୍ତି ମାଡ଼ିଦ୍‍ତାନ୍‍ ଇଞ୍ଜ ମିୟାଦ୍ ଇଚ୍ଛା ?" ଅଡ଼୍‌ କେତ୍‍ତଡ଼୍, "ବାରବ୍‍ବାଙ୍କ୍ ।"

22 ପିଲାତ ପାଚ୍ରା ମାଡ଼୍‍ତଣ୍ଡ୍, ଆଲାଇତ୍‍କେ କ୍ରିଷ୍ଟ ଇଞ୍ଜ ପୁଞ୍ଜ୍‍ମାନ୍ଦାନଙ୍କ୍ ବାତେଏ ମାଡ଼ିତାନ୍ ? "ଅଂକିଙ୍କ୍‌ କ୍ରୁଶତାଗେ ତାର୍‍ସ୍ପାଟ୍‍" ଇଞ୍ଜ ଅଡ଼୍‌ ସାରେତଡ଼୍ ମର୍‍ପୟ୍‍ତଡ଼୍‍ ।

23 ପିଲାତ ପାଚ୍ରା ମାଡ଼୍‍ତଣ୍ଡ୍, "ବାତେଙ୍କ୍ ଇତ୍‍କେ ଅଣ୍ଡ୍‌ ବାତେଏ ବୁଲ୍‍ ମାଡ଼୍‍ତଣ୍ଡ୍ ?" ଅଡ଼୍‌ ମେଣ୍ଡେ ମର୍‍ପୟ୍‍ସ୍‍ କେତ୍‍ତାଙ୍କ୍ ପସ୍‍ପ୍‍ତ୍‍ତଡ଼୍, ଅଂକିଙ୍କ୍‌ କ୍ରୁଶତାଗେ ତାର୍‍ସ୍ପାଟ୍‍ ।

24 ବେସୁଙ୍କ୍‍ ପିଲାତ ଉଡ଼୍‍ତଣ୍ଡ୍ ଯେ, ଅଡ଼୍‌‍କିଂଙ୍କ୍ କେସ୍‍ମେଣ୍ଡେ ବାତ୍‍ଲାବ୍‍ ଇଲେ, ବେଲାନ୍ ଶାନ୍ତି ବଙ୍ଗର୍‍ ଆଶଙ୍କା ମିନ୍ଦେ, ଅଣ୍ଡ୍‌ ସୁଦୁର୍ ଏର୍‍ ଆସ୍, ନାରୁଡ଼୍ ମୁନେ କାୟ୍ ନର୍‍ତଣ୍ଡ୍, "ହି ନାରୁନ୍ ଡଲାନ୍ ସେଙ୍ଗେ ନାନ୍‍ନେ ଦାୟି ଆୟନ୍‍ । ହିଦ୍ ମିୟାଦ୍ ପାଡ଼୍‍ୟି ।"

25 ନାରୁଡ଼୍ ଉତ୍ତର୍ ହିତ୍‍ତଡ଼୍, "ଅନାଦ୍‌ ଡଲାନ୍ ଦଷ୍, ମାକିଂଙ୍କ୍ ବା ମା ପିଲାନ୍ ପର୍‍ର ଆୟି ।"

26 ଶେଷତେ ପିଲାତ ବାରବ୍‍ବାଙ୍କ୍ ପେସ୍ପିସ୍‍ ଜିସୁଙ୍କ୍ କରଡାତେ ରେହ୍‍ତାଙ୍କ୍ ଆଦେଶ୍ ହିତ୍‍ତଣ୍ଡ୍, ତାନ୍, ପେର୍କେ କ୍ରୁଶତାଗ୍ ତାର୍‍ପାନ୍ ମାଇଦିଙ୍କ୍ ସନ୍ୟଡ଼୍ କାଇଦେ ୱିଡ଼୍‍ସିତ୍‍ତଣ୍ଡ୍ ।

27 ପିଲାତନ୍ ସୈନ୍ୟହିଡ଼୍‍ ଜିସୁଙ୍କ୍ ରମିୟ ଶାସକ୍‍ତିଙ୍କ୍ ପ୍ରାସାଦତାଗ୍‍ ଆତ୍‍ତଡ଼୍ ନୁ ସାରେତଡ଼୍ ସୈନ୍ୟଡ଼୍ ଅଂକିଙ୍କ୍‌ ତିଡ଼୍‍ୟି ଆସ୍ ନିତ୍‍ତଡ଼୍ । 28 ଅନାଦ୍‌ ଚକା କୁସ୍‍ପି ଆସ୍ ଅଂକିଙ୍କ୍‌ ଅଣ୍ଡୟ୍‌ ଆପେ ରଙ୍ଗ୍‍ଦେ ଚକେ କେର୍‍ସ୍ପ୍‍ତଡ଼୍ । 29 କୟେ ମାଡ଼୍‍ତେ ସୁଦୁଟ୍‍ତେ ୱେରଡ଼୍ ସହଜ୍‌ ତିଆର୍ ମାଡ଼ି ଅନ୍‌ ତାଲେତ୍ ପର୍‍ର କେର୍‍ସ୍ପିତ୍‍ ତଡ଼୍ ନୁ ଅନ୍‌ ତିନ୍ଦେକାୟିଦା ୱେରଡ଼୍ ଡୁଡ୍ ପସ୍ପ୍‍ତ୍‍ତଡ଼୍ । ତାନ୍‍ପେର୍କେ ଅଡ଼୍‌ ମୁନେ ବଟ୍‍ମିଣ୍ଡା ହୁହ୍‍ସି ଅଂକିଙ୍କ୍‌ ପରିଆସ ମାଡ଼ି କେତ୍‍ତଡ଼୍, ଯିହୁଦିଡ଼୍ ରାଜା ଚିରଜିବି ଆୟ୍‍ମ୍‍ । 30 ଅଡ଼୍‌ ଅନ୍‌‍ପରୁ ଉସ୍‍ତଡ଼୍‍, ଆଦ୍ ଡୁଡ୍‍ ତଡ଼୍ ଅନ୍‌ ତାଲ୍‍ତାଗ୍‍ ରେହ୍‍ତଡ଼୍‍ । 31 ହିଦ୍‍ପୁଟୁଙ୍କ୍ ଅଂକିଙ୍କ୍‌ ପରିହାସ୍‌ ମାଡ଼୍‍ତେ ପେର୍କେ ରାଜକିୟ ଚକା ପେସ୍‍ପି ଅନାଦ୍‌ ନିଜେତ୍ ଚକା କେର୍‍ସ୍ପି ତଡ଼୍ ନୁ କ୍ରୁଶତାଗେ ତାର୍‍ସ୍ପାନ୍‍ ମାଇଦିଙ୍କ୍ ଅଂକିଙ୍କ୍‌ ଆଗାଙ୍କ୍ ଆତ୍‍ତଡ଼୍ ।

32 ଅଡ଼୍‌ ଆଦ୍‍ଦାନ୍ ୱେଲେ ଆର୍‍ଦାଗ୍ କୁରୁନିୟ ସହର୍‍ତେ ଶିମୋନ୍ ପେଦେର୍‍ତେ ୱେରନ୍ ନାରୁଙ୍କ୍ କାୟ୍‍ଲ୍‍ତଡ଼୍ ନୁ ସୈନକିଡ଼୍‍ ଅଂକିଙ୍କ୍‌ ଜିସୁନ୍ କ୍ରୁଶ କାଞ୍ଜାନ୍ ମାଇଦିଙ୍କ୍ ବାଦ୍ୟ ମାଡ଼୍‍ତଡ଼୍ । 33 ଅଡ଼୍‌ ଗଲ୍‍ଗତା ପେଦେର୍‍ତେ ୱେରଡ଼୍ ପଡ଼ିୟେତାଗ୍ ହେୱୁଦ୍‍ତଡ଼୍ । ଗଲ୍‍ଗତାତେ ଇତ୍‍କେ *27:33 ଇତ୍କେ ତାଲେତାଦ୍‌ ମୁଞ୍ଜ୍‌ ତିଙ୍କ୍‌ କପୁରି ଇଞ୍ଜ କେତିତଡ଼୍‌କପୁରି ଲେକେତାଦ୍ ପଡ଼ିୟେ । 34 ଆଗେ ଅଡ଼୍‌ ଜିସୁଙ୍କ୍ କାଇତାଦ୍ କାୟ୍‍ଲି ମାନ୍ଦାନ୍ ଦ୍ରାକ୍ଷାରସ୍ ଉନ୍ଦାଙ୍କ୍ ହିତ୍‍ତଡ଼୍ । ଜିସୁ ଆଦିଙ୍କ୍ ସୁଦୁର୍ ନାକି ମେଣ୍ଡେ ଉନଣ୍ଡ୍ ।

35 ଅଡ଼୍‌ ଜିସୁଙ୍କ୍ କ୍ରୁଶତାଗେ ତାର୍‍ସ୍ପି ଗୁଲିବାଣ୍ଟ ତଡ଼୍ ଅନ୍‌ ଚକାତିଙ୍କ୍ ନିଜେତ୍ ଲୋପେ ତୁସି ଆତ୍‍ତଡ଼୍ । 36 ତାନ୍‍ପେର୍କେ ଅଡ଼୍‌ ଆଗେ କୁଦି କ୍ରୁଶତାଗେ ତାର୍‍ସ୍ପ୍‍ତେ ଜିସୁଙ୍କ୍ କେପି ମାତ୍‍ତଡ଼୍ । 37 ଅନ୍‌ ବିରୁଦ୍ଦ୍‌ତେ ଆସ୍‍ମାନ୍ଦାନ୍ ଅବିଯଗତେ ୱେରଡ଼୍ ଲେକିମାନ୍ଦାନ୍‍ ବାଲା ଅନ୍‌ ତାଲେତ୍ ପର୍‍ର କ୍ରୁଶତାଗ୍ ୱେଇସ୍‍ ମାତ୍‍ତଡ଼୍, "ଇଣ୍ଡ୍ ଆଦୁତନ୍ ଜିସୁ ଯିହୁଦିନାରୁଡ଼୍‍ ରାଜାଲ୍ ।" 38 ତାନ୍‍ପେର୍କେ ଅଡ଼୍‌ ଇର୍‍ୱୁଡ଼୍ ଡଙ୍ଗାଲଡ଼୍‍କିଙ୍କ୍ ଆଗେ କ୍ରୁଶତାଗେ ତାର୍‍ସ୍ପ୍‍ତଡ଼୍‍, ଅର୍‍ତୁଙ୍କ୍ ଜିସୁନ୍ ତିନ୍ଦେକାୟିଦେ ପାକେ ନୁ ମେଣ୍ଡେ ଅର୍‍ତୁଙ୍କ୍ ଡେବ୍‍କାୟ୍‍ଦେ ପାକ୍ ।

39 ଆଦ୍ ଆର୍ ଆଦ୍‍ଦାନ୍ ନାରୁଡ଼୍ ତାଲ୍‍ତିଙ୍କ୍ ଉଷ୍‍ ଜିସୁଙ୍କ୍ ଅପ୍‍ମାନ୍ ଇସ୍‌ କେତ୍‍ତଡ଼୍, 40 ✝୨୭:୪୦ ମାତିଉ ୨୬:୬୧; ଯୋହନ୍‌ ୨:୧୯."ନିମ୍‍ ବାନେ ମନ୍ଦିର୍‍ତିଙ୍କ୍ ଉସ୍ ମୁଣ୍ଡ୍‍ଦିନାନେ ମେଣ୍ଡେ ଆଦିଙ୍କ୍ ତିଆର୍ ମାଡ଼ିସ୍‍ ମାତ୍‍ତିନ୍‍ । ନିମ୍‍ ଯଦି ଇଶ୍ୱର୍‌ତେ ମାର୍‍, ନିଜ୍‍ତିଙ୍କ୍ ଗେଲ୍‍ସ୍ପା । କ୍ରୁଶତାଗାଙ୍କ୍ ଡିଗିୱାଡ଼୍ ।"

41 ବେଡ଼ିଇଯାଜକ, ଦର୍ମଗୁରୁ ନୁ ସଂପ୍ରଦାୟତେ ମୁୟୁତେ ନେତାଲଡ଼୍ ଆନ୍‌‍ତେ ଜିସୁଙ୍କ୍ ପରିଆସ ମାଡ଼ି କେତ୍‍ତଡ଼୍, 42 "ଅଣ୍ଡ୍‌ ବାଗାତଡ଼୍‍କ୍ ଗେଲ୍‍ସ୍ପ ମାତ୍‍ତଣ୍ଡ୍, ବାତେଙ୍କ୍ ଇତ୍‍କେ ନିଜ୍‍ତିଙ୍କ୍ ଗେଲ୍‍ସ୍ପ ପାର୍‍ୱଣ୍ଡ୍ । ଅଣ୍ଡ୍‌ ବାନେ ଇସ୍ରାୟେଲ୍‍ତେ ରାଜାଲ୍ । ଇଞ୍ଜ୍ ଯଦି ଅଣ୍ଡ୍‌ କ୍ରୁଶତାଗାଙ୍କ୍ ଡିଗି ୱାଦ୍ ପାର୍‍ଦ୍‍ତଣ୍ଡ୍, ଆଲାଇତ୍‍କେ ମାମ୍ ଅଂକିଙ୍କ୍‌ ବିଶ୍ୱାସ୍ ମାଡ଼ିତମ୍ । 43 ଅଣ୍ଡ୍‌ ନିଜ୍‍ତିଙ୍କ୍ ଇଶ୍ୱର୍‌ତେ ମାର୍‍ ଇଞ୍ଜ କେସ୍ ଇଶ୍ୱର୍‌ତେ ପର୍‍ର ଆସ୍ ନେହେସ୍ ମିନ୍ଦେଣ୍ଡ୍ । ହାଲେକ୍ ଉଡାଙ୍କ୍ ଆଦ୍‍ତେ, ଇଶ୍ୱର୍ ଅଂକିଙ୍କ୍‌ ଗେଲ୍‍ସ୍ପାଙ୍କ୍ ଇଚ୍ଛା ମାଡ଼ୁତଣ୍ଡ୍ କି ଇଲେ ।"

44 ଅନ୍‌ ତଡ଼୍ କ୍ରୁଶତାଗ୍ ମାନ୍ଦାନଣ୍ଡ୍ ଡଙ୍ଗାଲ୍ ଆନ୍ତେ ଅଂକିଙ୍କ୍‌ ଆଦେ ରକମ୍ ପରିହାସ୍ ମାଡ଼୍‍ତଣ୍ଡ୍ ।

45 ଆଦ୍‍ଦିନେ ପାୟାଲ୍ ତାଲେତ୍ ପଡ଼୍‍ଦିନ୍‍ ସାରେ ଦେଶ୍‍ଜାକ ହିକାଡ଼୍ ଆତ୍‍ତେ ନୁ ମୁଣ୍ଡ୍ ଗାଣ୍ଟା ଯାକ ମାତ୍‍ତେ । 46 ପାୟାଲ୍‌ ଅଲ ତିନ୍‍ଟାୱେଲେ ଜିସୁ ଗାଟି ଲେଙ୍ଗ୍‍ଦେ କେତ୍‍ତଣ୍ଡ୍, ଏଲି, ଏଲି, ଲାମା ସବକ୍‍ତାନି । ଇତ୍‍କେ "ହୋ ଇଶ୍ୱର୍‌ତନି, ହୋ ଇଶ୍ୱର୍‌ତନି, ନାକିଂଙ୍କ୍ ବାତେଙ୍କ୍ ୱିଡ଼୍‍ସ୍‍ତିନ୍ ?"

47 ଗାର୍‍ରେ ନିସ୍ ମାନ୍ଦାନ୍ ବେସ୍‍କ୍‍ତୁଡ଼୍‍ ଇଦ୍ କେଞ୍ଜି କେତ୍‍ତଡ଼୍, "ଅଣ୍ଡ୍‌ ଏଲିୟଙ୍କ୍ କାର୍‍ଙ୍ଗୁତଣ୍ଡ୍ ।" 48 ୱେରଣ୍ଡ୍ ନାରୁଡ଼୍ ମିରି ଆଞ୍ଜ୍ କାଇତାଦ୍ ଦ୍ରକ୍ଷାରସ୍‍ତେ ୱେରଡ଼୍ ପସ୍କେ ମୁହ୍‍ସ୍‍ ଅଂକିଙ୍କ୍‌ କାରେତ୍ ମୁନ୍‍ ତହସ୍ ଉନ୍ଦାନଙ୍କ୍ ଜିସୁନ୍ ପାକେ ଆସିତ୍‍ତନ୍ ।

49 ବାଗାତଡ଼୍ କେତ୍‍ତଡ଼୍, କେପାଟ୍, ଉଡାଙ୍କ୍ ଆଦ୍‍ତେ, ଅଂକିଙ୍କ୍‌ ଗେଲ୍‍ସ୍ପାଙ୍କ୍ ଏଲିୟ ୱାଦ୍‍ତଣ୍ଡ୍ କି ଇଲେ ।

50 ଜିସୁ ମେଣ୍ଡନ୍ ଦାମ୍ ଗାଟି ଲେଙ୍ଗ୍‍ଦେ କେସ୍ ଶେଷ ନିଶ୍ୱାସ୍‍ ୱିଡ଼୍‍ସ୍‍ତଣ୍ଡ୍ ବା ନିଜେତ୍ ଜିୱୁନ୍ ୱିଡ଼୍‍ସିତ୍‍ତନ୍ ।

51 ଆଦ୍ ସମୟ୍‍ତେ ମନ୍ଦିର୍‍ତାଗ୍ ଉଙ୍ଗମାନ୍ଦାନ୍‍ ପର୍ଦା ପର୍‍ରକଞ୍ଚ୍ ମଦଲ୍ ହେଉନା ରେଣ୍ଡ୍ ଗାନା ଆସ୍‌ ହିଙ୍ଗ୍‍ତେ । ବୂମିକମ୍ପ ଆତ୍‍ତେ, ମେଟେଆନ୍‌‍ତେ ପକ୍‍ତ୍‍ତା 52 ନୁ କବର୍ କୁଲାଆସ୍‍ ନାର୍‍ଗେ ଇଶ୍ୱର୍ ଆଶେ ଡଲିମନ୍ଦାନ୍ ନାରୁଡ଼୍ ମେଣ୍ଡେ ଜିୱୁନ୍ ଆଦ୍‍ତଡ଼୍ । 53 ହିଡ଼୍ କବର୍ ତାଗାଙ୍କ୍ ତେଦି ୱାତ୍‍ତଡ଼୍ ନୁ ଜିସୁନ୍ ପୁନରୁତ୍‍ତାନ୍ ପେର୍କେ ହିଡ଼୍‍କିଙ୍କ୍ ପବିତ୍ର ନାର୍ ଯିରୁଶାଲେମ୍‍ତାଗ୍ ଆଦାନାଦ୍ ବେସ୍‌କ୍ ତଡ଼୍ ଉଡ଼୍‌ତଡ଼୍ ।

54 ଜିସୁଙ୍କ୍ କେପି ମାନ୍ଦାନ୍ ସେନାପତି ନୁ ସୈନ୍ୟହିଡ଼୍‍ ବୁମିକମ୍ପ ନୁ ବାଗାତାଉ ଗଟ୍‍ନା ଉଡ଼ି ୱେର୍‍ସ୍‍ ଆଦ୍‍ତଡ଼୍ । ଅଡ଼୍‌ କେତ୍‍ତଡ଼୍, "ହିଣ୍ଡ୍ ନିଜାମ୍ ଇଶ୍ୱର୍‌ତେ ମାର୍‍ ।"

55 ✝ ୨୭:୫୫ ଲୁକ ୮:୨,3. ଗାଲିଲୀ ତାଗାଙ୍କ୍ ଜିସୁଙ୍କ୍ ଲେକେତ୍‌ ମାଡ଼ି ଅଂକିଙ୍କ୍‌ ସାହାଯ୍ୟ ମାଡ଼ିମାନ୍ଦାନ୍ ବେସ୍‌କ୍ ମୁତ୍‍ତେ ଦୁରାମ୍ ମାଞ୍ଜ୍ ସାରେ ଉଡ଼ମାତ୍‍ତା । 56 ହାୱିନ୍‍ ଲୋପେ ମାତ୍‍ତେ ମଗ୍‍ଦଲୀନି ମରୀୟମ୍, ଯାକୁବ୍ ନୁ ଯସେପ୍‍ତେ ୟାୟ୍‍ ମରୀୟମ୍ ନୁ ଜେବଦିନ୍ ମୁତ୍‍ତେ ।

57 ମୁଲ୍‍ପୁଟ୍ ଆରମାତିଆତେ ସହର୍ ଯସେପ୍‍ ପେଦେର୍‍ତେ ୱେରଣ୍ଡ୍ ସାଉକାର୍ ନାରୁଡ଼୍ ୱାସ୍ ହେୱ୍‍ତଣ୍ଡ୍ । ଅଣ୍ଡ୍‌ ଜିସୁନ୍ ୱେରଣ୍ଡ୍ ଶିଷ୍ୟ ମାତ୍‍ତଣ୍ଡ୍ । 58 ଅଣ୍ଡ୍‌ ପିଲାତଙ୍କ୍ କାୟ୍‍ଲି ଜିସୁନ୍ ଡଲ୍‍ତେ ମେନ୍ଦୁଲ୍‍ତିଙ୍କ୍ ଆଦାନ୍ ମାଇଦିଙ୍କ୍ ଗଟ୍ ତାଲ୍‍କ୍‍ତଣ୍ଡ୍ ପିଲାତ ଗଟ୍ ହିତ୍‍ତାଙ୍କ୍ । 59 ଯସେପ୍‍ ଜିସୁନ୍ ମେନ୍ଦୁଲ୍‍ତିଙ୍କ୍ ଅସ୍‍ମେଣ୍ଡେ ୱେରଡ଼୍ ପାଲ୍‍ସାଲାଦ୍ ସିଲେ ଇତ୍‌ତଣ୍ଡ୍‌ ନୁ 60 ଅନ୍‌ ନିଜେତ୍ ମାଇଦିଙ୍କ୍ କାଲ୍‍ଦାଗ୍ ଡେୱିମାନ୍ଦାନ୍‍ ୱେରଡ଼୍ ପୁନାଦ୍ ସମାଦିତାଗେ ଅଂକିଙ୍କ୍‌ ୱାଟ୍‍ତଡ଼୍‍ ନୁ ସମାଦିତେ ମୁନେ ୱେରଡ଼୍ ବେଡ଼୍‍ୟାଦ୍‍ କାଲ୍ କୁହୁସି ଆତ୍‍ତଣ୍ଡ୍ । 61 ମଗ୍‍ଦଲୀନି ମରୀୟମ୍ ନୁ ମେଣ୍ଡନ୍ ମରୀୟମ୍ ଆଦ୍ ସମାଦିତା ମୁନ୍‍ମାଡ଼ି କୁଦିମାତ୍‍ତା ।

62 ତାନ୍ ମେଣ୍ଡନ୍‍ଦିନେ ବିଶ୍ରାମଦିନେତେ ବେଡ଼ିଇଯାଜକ ନୁ ପାରୂଶୀଡ଼୍ ପିଲାତ୍‍ତଙ୍କ୍ କାୟ୍‍ଲି କେତ୍‍ତଣ୍ଡ୍, 63 ✝୨୭:୬3 ମାତିଉ ୧୬:୨୧; ୧୭:୨3; ୨୦:୧୯; ମାର୍କ ୮:3୧; ୯:3୧; ୧୦:33,3୪; ଲୁକ ୯:୨୨; ୧୮:3୧-33."ଗଟ୍, ମାକ୍‍ ହେର୍କା ମିନ୍ଦେ, ଅଣ୍ଡ୍‌ ମିତ୍ୟାବାଦି ଗେଲ୍‍ସି ମାନ୍ଦାନ୍‍ୱେୟ୍‍ କେସମାତ୍‍ତନ୍, ମୁଣ୍ଡ୍‍ଦିନାନ୍ ପେର୍କେ ନାନ୍‍ନେ ପୁନରୁତ୍‍ତାନ୍ ଆଦ୍‍ତନ୍ । 64 ଆଦିଙ୍କ୍ ମୁଣ୍ଡ୍‍ଦିନା ଯାକ ଆଦ୍ ସମାଦିତିଙ୍କ୍ କେପି ମାନ୍ଦାଙ୍କ୍ ସୈନ୍ୟଡ଼୍‍କ୍ ଆତ୍‍ତାଙ୍କ୍ ନିମ୍‍ ଗଟ୍ ହିମ୍, ଆଲାଇତ୍‍କେ ଅନ୍‌ ଶିଷ୍ୟଡ଼୍ ଅନ୍‌ ମେନ୍ଦୁଲ୍‍ତିଙ୍କ୍ ଡଙ୍ଗି ଆସ୍, ଅଣ୍ଡ୍‌ ଗେଲ୍‍ସି ତେଦ୍‍ତଣ୍ଡ୍ ଇଞ୍ଜ କେତ୍‍ ପାର୍‍ୱଡ଼୍ । ଅଡ଼ାଦ୍‌ ହି ମିଚ୍ ପ୍ରଚାର୍ ସାର୍‍ରେ ଅଦିକ୍‌ ଅନିଷ୍ଟ ଆଦ୍‍ତେ ।"

65 ପିଲାତ ଉତ୍ତର୍ ହିତ୍‍ତଣ୍ଡ୍, "ମିଡ଼୍ ଅଣ୍ଡ୍‌‍ମାନ୍ଦେ କେପାନଡ଼୍‍କ୍ ଆୟ୍‍ମୁଟ୍ ଆଦ୍ ସମାଦିତିଙ୍କ୍ ଲେକେତ୍‍ କେପିତଡ଼୍ ।"

66 ଅଡ଼୍‌ ଆଞ୍ଜ୍ ସମାଦିତିଙ୍କ୍ କେପାନ୍ ମାଇଦିଙ୍କ୍ ଲେକେତ୍‍ ତିଆର୍‍ମାଡ଼୍‍ତଡ଼୍ । ଅନ୍‌ ମାଇଦିଙ୍କ୍ ମୁସିମାନ୍ଦାନ୍‍ କାଲ୍‍ଦେ ପର୍‍ର କୁଦି ଅଂକିଙ୍କ୍‌ କେପାନ୍ ମାଇଦିଙ୍କ୍ ନୁ ସୈନ୍ୟଡ଼୍‍କ୍ ଆଗେ ମାନ୍ଦାଙ୍କ୍ କେତ୍‍ତଣ୍ଡ୍ ।