12 ଆଦିନ୍‌ମାୟ୍‍ଦିଙ୍କ୍‍ ମିୟାଦ୍ ଡଲ୍‍ତେ ମେନ୍ଦୁଲ୍ ପର୍‍ର ପାପ୍‍ ମେଣ୍ଡେ ରାଜ୍ ମାଡ଼୍‍ମାକି; ମେଣ୍ଡେ ମିଡ଼୍ ବାତ୍‍ବା ମେନ୍ଦୁଲ୍ ଲାଲ୍‍ସା ମାଡ଼୍‍ମାଟ୍ । 13 ମିଡ଼୍ ନିଜେତିଙ୍କ୍ ବାତ୍‍ଆଇ ପାପ୍‌ ଗାର୍‍ରେ ସର୍ପା ଆସ୍ କାରାପ୍ ପାଡ଼୍‍ୟି ମାଡ଼ାନ୍ ନାରୁଣ୍ଡ୍‍ ଲେକାମ୍ ବ୍ୟବହାର୍‌ ଆୟ୍‍ମାଟ୍ । ବେଲାନ୍ ଡଲ୍‍ତାଗାଙ୍କ୍ ରକ୍ଷା ପାଏମ୍ ଆସ୍ ଜିୱୁଣ୍ଡ୍ ପାଏମ୍ ଆସ୍‍ ମାନ୍ଦାନ୍ ମାୟ୍‍ଦିଙ୍କ୍ ନିଜେ ନିଜେତିଙ୍କ୍ ସାରେ ଇଶ୍ୱର୍‌ତାଗ୍ ସର୍ପା ଆୟ୍‍ମୁଟ୍ । 14 ବାତେଙ୍କ୍‍ଇତ୍‍କେ ପାପ୍‌ ମିଇ ପର୍‍ର ରାଜ୍ ମାଡ଼୍‍ମାକି । ମିଡ଼୍ ମେଣ୍ଡେ ନିୟମ୍ ଅଦିନ୍‌ତାଗ୍ ଇଲିଡ଼୍ । ଇତ୍‍କେ ଇଶ୍ୱର୍‌ତେ ଅନୁଗ୍ରମାମେ ଆୟମ୍‌ ମିନ୍ଦେଡ଼ି ।

15 ଆଲେକେ ମାନାଡ଼୍ ନିୟମ୍ ଆଦିନ୍ ଆୟ୍‍ୟକଟ ଇଶ୍ୱର୍‌ତାଦ୍ ଅନୁଗ୍ରହ ପାଏମ୍ ଆତ୍‍ତାଡ଼୍ ଇଞ୍ଜ ବାତ୍ ପାପାମ୍ ମାଡ଼ମାନ୍‍ତାଡ଼୍ ? ଆଦ୍‍ ବେସୁଟ୍‌ ଆୟ୍‍ମାକି ! 16 ମିଡ଼୍ ନିଜାମ୍ ପୁତ୍‍ତିଡ଼୍, ଯଦି ମିଡ଼୍ ବେନନ୍ ବୁସାଗଟ୍‍ତାଗ୍‍ ମାନେମ୍‍ ଆସ୍ ଅନ୍‌‍ୱାଦ୍ ସାରେ ଗଟିଙ୍କ୍‍ ପାଳନ୍ ମାଡ଼ୁତିଡ଼୍, ଆଲେକେ ମିଡ଼୍ ଅନ୍‌ ଦାସ । ଯଦି ପାପ୍‌ତେ ଦାସ ଆଦ୍‍ତିଡ଼୍, ଇଦିନାଦ୍ ପରିଣାମ୍ ଡଲ୍‍ନାଦ୍; ଯଦି ଦାର୍ମାମ୍‌ତେ ଦାସ ଆଦ୍‍ତିଡ଼୍, ଆଲେକେ ଜିୱୁଣ୍ଡ୍ ପାଏମ୍ ଆଦ୍‍ତିଡ଼୍ । 17 ଇତ୍‍କେ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇଦୁତାନ୍, ଯଦି ମିଡ଼୍ ଅଣ୍ଡ୍‌‍ଦିନ୍ ପାପ୍‌ତେ ଦାସ ମାତ୍‍ତିଡ଼୍, ମିଡ଼୍ ଇଞ୍ଜେ ସୁସମାଚାର୍‍ତାଗାଙ୍କ୍ ନାଡ଼୍‍ସି ମାନ୍ଦାନ୍ ସତ୍‍ତିଙ୍କ୍ ହୃଦୟ୍‍ତଡ଼୍‍ ପାଲନ୍ ମାଡ଼ୁତିଡ଼୍ । 18 ମିଡ଼୍ ପାପ୍‌ତାଗାଙ୍କ୍ ମୁକ୍ତି ଆସ୍ ଦାର୍ମାମ୍‌ତେ ଦାସ ଆତ୍‍ତିଡ଼୍ ।