Revalesen-Hufo Hu'ne 3

Sadisi kumate nemaniza mono nagamofo krezami’nea naneke

1 Sadisi kumate mono naga’mokizmi ankeromofona amanage hunka kremio, Nagra Anumzamofo 7ni’a Avamura nazampina eri’nena, 7ni’a ofuna eri’nomo’na, ke’ma hanuana antahiho. Kagrama nehana kavukvara antahi’na ke’na hu’noe. Maka vahe’mo’za kagra kasefa hunka mani’nane hu’za nehazanagi, kagra ko fri’nane. 2 Hanki otinka, kagripima fri vagaregeno’ma osiazama me’neazamo’ma fri’zama nehiana, azeri hanavetio. Na’ankure kagri’ma kagoana, Nagri Anumzamofo avurera, fatgo kavukvara nosane.