Atos 8

32 Ana ne’mo’ma hampri’nea avontafemo’a, amanahu ke hu’ne, Sipisipi afu’ma ananke taga hunaku avare’za nevazankna hu’za avre’za nevu’za, sipisipi afu anenta azoka taga hunaku nehazageno, agira aka huno krafa osu’nea kna huno, Agra agira aka osu’ne. 33 Agrira azeri agaze hu’za knare fatgo zamuzmara huonte’naze. Na’ankure ko’ma Agri asimura ama mopafintira eri’nazana, nankna huno Agra mofavre antegahie? (Ais 53:7-8) 34 Anante ke’nonama hifina, agonkna’zama hari’nea ne’mo’a anage huno, Filipinkura hu’ne, Muse hugantoanki (plis) azanku kasnampa ne’mo’a ama kea hu’ne, agri’agu hu’nefi, hipi ruga’a vaheku hu’ne? 35 Filipi’a anama hampri’nea avontafepinti nanekea agafa huno, Jisasi knare musenkea ana nera asmi’ne.