Eclesiastes 3

Mika’zama fore’ma hu kna metere hu’ne hu’nea naneke

1 Ama mopafina maka’zama fore’ma hu kna metere higeno, maka’zama hu kna metere hu’ne. 2 Vahe’ma kasente kna megeno, vahe’ma fri kna me’ne. Hoza hankare kna megeno, hozama hamare kna me’ne. 3 Vahe’ma ahefri kna megeno, vahe’ma azeri knamare kna me’ne. Maka’zama tapagema hutre kna megeno, ete kasefa’ma azeri otino ki kna me’ne. 4 Zavite kna megeno, kizamare kna me’ne. Asunku’ma hu kna megeno, musema huno avoma hage kna me’ne. 5 Havema erino ometre eme atrema hu kna megeno, havema zogi atru hu kna me’ne. Vahe’ma azeri anuki kna megeno, vahe’ma azeri anuoki kna me’ne. 6 Keonke zanku’ma hake kna megeno, avresra huno’ma ohake kna me’ne. Mago’a zama erinte kna megeno, ante’nea zama eritre kna me’ne. 7 Kukenama tagato hu kna megeno, tagato’ma hu’nea zama rehati kna me’ne. Kema osuno mani kna megeno, keagama hu kna me’ne. 8 Vahe’ma avesinte kna megeno, vahe’ma avesrama hunte kna me’ne. Ha’ma hu kna megeno, ha’ma osuno rimpafru huno mani kna me’ne.