Eksodas-Atiramine 16

11 Anante Ra Anumzamo’a anage huno Mosesenku hu’ne, 12 Nagra Israeli vahe’mo’zama ke hakare’ma hazana ko antahi’noanki anage hunka zamasamio, kinaga afu ame’a negahaze. Hagi nanterana bretia neramu nehuta, tamagra keta antahitama hanazana, Nagrikura, Ra Anumzana tagri Anumza mani’ne hugahaze.

13 Hagi ana zupa kinaga segeno’a, Hifa namazagamo’za e’za seli nomagi’za mani’naza kumara emani avinetazageno, nanterana ata ko aru’ne. 14 Ana ata ko’mo’ma hagegema higeno’a, ka’ma kokampina efeke huno breti retoza’agna’za fore huno mopa refite’ne. 15 Anante Israeli vahe’mo’zama ana zama nege’za, zamagra zamagra anage hu’naze, ama zana na’zane? Na’ankure anazana Israeli vahe’mo’za ke’za antahi’za osu’nazagu hu’naze. Anante Mosese’a anage huno zamasami’ne, ama’i Ra Anumzamo bretima nesazaza tami’ne.