Filipenses 2

Vahe’mokizmi amu’no zamifi tvi kna hu’za mani’naza naneke

12 E’izanku navesi neramantoa nafuhetma, tamagranema mani’nogetma ke’ni’a erizafa nehazankna hutma, omanisua knafina ke’ni’a amage anteho, tamagra tamazama hu’nea zanku hutma tamano nevazino, tamahirahi nerena kazigazi hutma amage anteho. 13 Na’ankure Anumzamo tamagripi eri’za e’nerie, Agra tmagu’a tamazeri otigetma kezafa hutma eri’zama’a e’neriza zane, Agri avesi avariri hanave’a tami’ne.

14 Maka’zama hanafina, havi tamarimpa osutma hafra nosutma tamarimpa frune maninetma hugahaze. 15 Anama hanage’za, vahe’mo’za neramagesagetma fatgo hutma, ketmia omnesigetma nemanitma, Anumzamofo mofavre tro hutma nemanitma, havige huormantesagetma, kazaki’zampi kazigazi nehnaza vahe amu’no zamifina nemanitma, ofumo remsa hiaza hutma ama mopafina remsa huzmantegahaze. 16 Kasefa hu’za mani’zamofo naneke azeri hanavetiho, ana nehnage’na Kraisi ete esia knafi neramage’na hanave’afi muse nehu’na nagare’na nevu’na eri’zama eri’noazamo’a amane zankna osu’ne hu’na hugahie.