Gálatas 2

Pita’ma haviza higeno Poli’a kesuno azeri fatgo hu’nea naneke

11 Hianagi Pita’ma Antioku kumate ehanatige’na, haviza hu’nane hu’na avufi kesu’noe. 12 Na’ankure Jemisi’ma huzmante’nea vahe’mo’zama omenageno’a, Pita’a knare huno megi’a vahe’enena magopinti ne’zana netere hu’ne. Hianagi mago’a vahe’ma Jemisi’ma huzmantege’za neageno’a, Pita’a anamokizmia zamatreno agragu umani’ne. Na’ankure zamufga taga hu’naza vaheku koro hu’ne. 13 Maka Jiu vahe’mo’za, anahukna hu’za kruna zamuzma nehazageno, ana zamo’enena, Banabasina avazu hu’ne. 14 Hianagi nagrama kogeno, Knare Musenkefi fatgo hu’za omanizage’na, maka’mokizmi zamufi anage hu’na Pitana asmi’noe, kagra Jiu ne' mani’nenka megi’a vahekna hunka nemaninka, Jiu vahekna hunka nomanine. Nankna hunka megi’a vahe’mokizmia, Jiu vahe’mo’za nehazaza hiho hunka nehane?