Lucas 8

Hagerimo kranto kranto nehigeno Jisasi’a ke higeno rurava he’nea naneke

22 Mago zupa Jisasi’a amage’ma nentaza disaipol naga’ane votifi marenerino anage huno zamasami’ne, Tirumofo kantu kaziga vanune hige’za vu’naze. 23 Ana hu’za nevazageno, Jisasi’a avu mase’negeno, tusi’a zaho’mo eramino timofona eri kranto kranto nehuno, votifi marerino erinakriza nehige’za hazenkefi mani’naze. 24 Zamagra Jisasina eme azeri oti’za anage hu’naze. Ramoke, Ramoke, tagra tinakrita fri’za nehune hazageno, Jisasi’a otino zahoku’ene kranto kranto nehia timofona kesigeno, timo’a rurava he’ne. 25 Anante Jisasi’a anage huno amage’ma nentaza disaipol nagakura zamasami’ne, Tamentintia iga me’ne? Hianagi zamagra zamagogo nefege’za antri nehu’za, zamagra zamagra anage hu’naze. Iza’e ama nera Agra tine zahomofonku enena ke higeke amagera nenta’e?

Mago negi ne’mofo agu’afinti Jisasi’a havi avamutmi huzmante’nea naneke

26 Ana hutege’za zamagra voti eri’za Geresa mopafi kantu kaziga Galili timofona vu’naze.