Marcos 14

Jisasi’a bretine wainine zamige’za ne’naza naneke

22 Hagi ne’zana nenageno, Jisasi’a mago breti erino Anumzamofo antahigegeno asomu hutegeno, tamanasino nezmino amanage huno zamasmi’ne, Ama’i Nagri navufe, erita neho. 23 Hagi waini tintafe erino Anumzamofo nunamu huno antahigegeno asomu huntegeno, zamige’za maka’mo’za anampinti ne’naze. 24 Nenageno amanage huno zamasmi’ne, Ama’i Nagri korane, ama ana koramo Anumzane huhagerafita manisaza manizana eri kasefa hugahie. Maka’mofonku huno tagine. 25 Tamage hu’na neramasmue, Waini ragamofo tima’a mago’ene one’na henka’a Anumzamofo kumapi kasefa waini negahue.