MAKU 6

22 Muana babakashi wu Helodia *6:22 Muana wu babakashi wu Helodia; Bidi bifunda mu mikanda minga Munandi wu babakashi wu ukabuela mu subu mukadu nkolomu ukashi mashi akayangishi Helode yi batu bandi. Neku nkolomu ukambila muana ne: "Ilombe tshitu tshiosu tshiananga nayakuha natshi." 23 Nkolomu ukaditshiha ukamba ne: "Nalomba tshiosu tshinananga, nayakuha natshi nashi tshitshinyi tshi hakakatshi tshi bu nkolomu buami."

24 Muana babakashi ukahatuka ukayi kudi mamandi ukamokoshi ne: Ndombe tshinganye? "Mamandi ukamukudumuna ne" Lomba kudi nkolomu, "Mutshu wu Yone Mubatishi."

25 Muana wu babakashi ukayi manyangu ukambila nkolomu Helode ne: "Natshieba ne waha hitshiowu mutshu wu Yone Mubatishi ha dilonga!"

26 Nkolomu ukadikuata, kadi kadu yi mushindu munga wu kuesa bualu ukadu umana ditshiha tshieleka kubushi ku batu bandi. 27 Ukatuma amu hahu disalayi diandi dikadu dimualama, yi diyi se diduaka yi mutshu wu Yone muteka ha dilonga, disalayi dikayi mu buloku dikakala mutshu wu Yone. 28 Dikadu nawu ha dilonga dikaha muana wu babakashi. Yeyi biandi ukayi nawu kudi mamandi.