1 Coríntios 7

Pol yagl abu bogl igwa pre dugwa

1 Ana ene meglmara ka kira tau paugo, pepa mina bogl narikwa i, na erme ene di ikne ede tebo, praiglkwa. Komno kana ene na yegl di prikwa, Yagl ere mogl, abu ta ikre, yoko moran, wakai panabo mo paikrabe? di, ene yegl na di prikwa. I kaima, yagl ta ere mogl, abu ta ikre, yoko morabuka i, wakai paugwa. 2 Wakai paugwa ba ene prio. Ene mabuno kide mina yage sidre, yagl abu ta bogl kunogl nenaiglkwa mabuno i, kide paugwa pre ene yagl swara swarade abu ibi, te abu swara swarade yagl ebi, wakai panabuka.