3 Yoba ye kide pre tedre, mokono ye teigwa. Ye dem muduo yubun dogwa yagle moglsre, yubun kane kane pre kan erukwa. Yoba ye kide pre tedre, mokono ye tedre, kanakriko, nono ama ye yagl kade moglmedi kankrumga. 4 Nono prumga i, God yene ere mogl, yubun tenagledi prisre, ye ere sumedi prumga. Yegl prumga ba i ta manugwa. Nono yubuno ya giuglno ye idre, giugl pre norukwa. 5 Te, yoba ye ere kide ere tedre, sigo, boglkwa i, nono tadaglmeno pre boglkwa. Te, ye nono kumapno idre, yubun yugwa i pre nono wakai munga. Ye sigo, boglkwa i pre nono u kor omniwa.

7 Yoba ye yagl i mabuno kide ere tedre, yubun podo teigwa ba ye ka ta dikrukwa. Yoba sipsip si goramnedi kane kogl i ede eimere ye yegl si kane si i ede eigwa. I ede eigwa ba yoba sipsip nagie yugo baiglkwa igne, sipsip be dikrumere ye yegl mere ka ta dikrukwa.

9 Yoba ere mogl, yagl i yagl mabuno kide beglkwa bogl akie maugl sinamnedi di padiglkwa. Yegl di padiglkwa ba ye ka kibi ta dikre, yoba ta sikrukwa pre ye yagl ta mige moni mere kan yogwa giglmo pene wagle yeigwa.

12 God yegl dugwa, Ana yoba ye tadaglme yoba moglmedi prikwa ba ye yoba mere tadaglmeno kumapmo idre, tadaglme yoba i pre kamage ere narsre, ye yene na na si goraiglmedi togwa pre yagl kade kagno wanimere na ye sigie kagie wanabedi ere edenaglka. Te, soldia ye kudano ikne yobuglo ere tedre, taraglno yubu si imere mere yegl, na ye taragl mere yubu si inabedi ere edenagle di, yegl dugwa.