7,8 Ana Josua ya Israel yoba mudu ere mogl, king mudu nigl Jordan koglo kra ade beimara dumo meglkwa i kuda bogl tedre, yobuglo erikwa. King mudu dumo Balgat, dumo kade Lebanon auduno yomara yogwa i, meglkwa ede pi muglo Halak we dimara, dumo Idom yomara magigl yogwa i meglkwa kuda bogl tedre, yobuglo erikwa. Yobuglo eriko, Josua dumo mudu i Israel yoba yugobuno pere pere meglkwa i makano aimadi yenabedi yubu si togwa. Ye dumo yubu si togwa i, dumo muglo paimara ya te, muglo kebra kebra ade omara yeigwa i ya te, Nigl Jordan omara dumo auduno yogwa i ya te, muglo meglbi ade umara kra yeimara i ya te, dumo wau yomara ya te, dumo Negev we dimara i yubu si togwa. Dumo mudu i, okna Hit yoba ya Amor yoba ya Kenan yoba ya Peres yoba ya Hivi yoba ya Jebus yoba makano yogwa. Ana Israel yoba king tau kuda bogl tedre, yobuglo erikwa i, ye siragl dumo sugl meglkwa kagno magigl i paugwa. 9 Dumo Jeriko ya dumo Ai, dumo Betel yomara magigl yogwa i, 10 ya dumo Jerusalem ya dumo Hebron 11 ya dumo Jarmut ya dumo Lakis 12 ya dumo Eklon ya dumo Geser 13 ya dumo Debir ya dumo Geder 14 ya dumo Horma ya dumo Arat 15 ya dumo Lipna ya dumo Adulam 16 ya dumo Makeda ya dumo Betel 17 ya dumo Tapua ya dumo Hefer 18 ya dumo Afek ya dumo Lasaron 19 ya dumo Madon ya dumo Hasor 20 ya dumo Simronmeron ya dumo Aksap 21 ya dumo Tanak ya dumo Megido 22 ya dumo Kedes ya dumo Jokneam, dumo Karmel we dimara suna yogwa i, 23 ya dumo Dor, dumo Napat Dor suna yogwa i, ya dumo Goim, dumo Gilgal yomara magigl yogwa i, 24 ya dumo Tirsa. King i mudu i swara ede 31-pela meglkwa.