19 Ene ba ere yenga i, siragl ege yogwa, i nogugl edenabedi ere yenga. Te, ade we, benabuka egemo yogwa igne i keme beigwa.

20 Ene mim erabedi dedingo, mim eruko, eduer yogwa. Eduer yogo, dua kabu mudu edigle wan meglkwa.

21 Dua kabu wan meglko, laion dua kabu si nenamnedi be didre, God kiabno norabedi doko wan meglkwa.

22 Laion wan meglko, ana ade ede mitna ugwa igne we, ye teke ede pi kobuglo mur atne pidre, ugl paigwa.

23 Te, yoba we, ade ede mitna ugwa igne, ye ede kogono wagle pi, kogon ere wan meglko, min paugo, aglke ede ikne wigwa.

24 Yawe yo, ene taragl kane kane mere kide ere yenga i, nomanen podo paugo, ene mudu ere yenga. Ene taragl ere yenga i, uglo koglo koglo kau si meglmiwa.