Habaku 1

Kushen ku kagita̱ ku Habaku ubana ara Magono ma Zuba

2 Magono ma Zuba, hal ubana n were ɗa ma lya vu kapala n uꞌisa̱ adama a uɓa̱nga̱,

kpam vu pana̱ka mu wa?

N tuko kushen ku va̱ ara vunu,

adama a uꞌya̱nga̱sa̱ka̱, kpam vu wauwa mu wa?

3 Ndya i zuwai vu zuwa mu n wenei ukuna u cingi u na?

Ndya i zuwai vu a̱sa̱ka̱i aza a ukuna u cingi?

Mawunuka n uꞌya̱nga̱sa̱ka̱ u ɗa na a kapala ka va̱;

ama ɗa a kyawan mu aza a uciga kushulu n kananamgbani a ɗa.