1 Pedro 3

ଡକ୍ରି ଡକ୍ରାତି କାତା

1 ✝ ୩:୧ ଏପିସି ୫:୨୨; କଲସି ୩:୧୮ ଏଲେକିହିଁଏ ଏ଼ ଡକ୍ରିସିକାତେରି, ମୀରୁ ମୀ ଡକ୍ରାୟାଁଇଁ ମା଼ନୱିଆ଼ଦୁ, ଏ଼ନିକିହିଁ ଏ଼ୱାରି ବିତ୍ରାଟି ଆମ୍ବା ଆମ୍ବାଆରି ମାହାପୂରୁ କାତା ନାମାଆତି ଜିକେଏ ମୀ ନେହିଁ ମାଣ୍‌କି ମେସାହାଁ, ମୀରୁ ୱେହ୍‌ଆନା ଜିକେଏ ମାହାପୂରୁ ତା଼ଣା ନାମାଲି ଆ଼ଡିନେରି । 2 ଏ଼ନିକିଁ ଏ଼ୱାରି ବିତ୍ରାଟି ଆମ୍ବା ଆମ୍ବାଆରି ବ଼ଲୁତି ମା଼ନୱି ଆ଼ଆତି ଜିକେଏ ମୀ ମାହାପୂରୁତି ଆଜି ଅ଼ଡ଼େ ମାଣ୍‌କି ମେସାହାଁ କାତା ୱେନାଆନା ଜାହାରା ଡକ୍ରିନି ସୁଦୁଗାଟି ମାଣ୍‌କି ମେସାହାଁ ନାମିନେରି । 3 ✝୩:୩ ୧ତିମ ୨:୯ତା଼ର୍ୟୁଁ ବା଼ଣାୟାଁ ହା଼ରେକା ଅ଼ଜିକିହିଁ କିଣ୍‌ହା କଡାହାଁ, ବାଂଗାରା ତୁର୍‌ହାଁ, ଅ଼ଜିତି ହିମ୍ବରିକା ହୁଚିନାୟି, ୱାର୍‌ଇ ଈ ବାରେ ତଲେ ମୀ ଆଙ୍ଗାତି ଅ଼ଜି କିହାକଡାଆଦୁ, 4 ମୀ ହିୟାଁତା ଏମିନି ହିତ୍‌ଡ଼ି ଜୀୱୁତି ଗୂଣୁ ମାହାପୂରୁ ନ଼କିତା ହା଼ରେକା ଦାରାଗାଟାୟି, ଏ଼ଦିଏ ମୀ ନା଼ସା ଆ଼ଆଗାଟି ଅ଼ଜୁ ଆ଼ପେ 5 ଏ଼ନାଆଁତାକି ଇଚିହିଁ ତଲି କା଼ଲାତି ସୁଦୁଗାଟି ଇୟାସିକା ଜିକେଏ ମାହାପୂରୁ ତା଼ଣା ବା଼ର୍ସୁ ଇଟାହାଁ ତାମି ଡକ୍ରାୟାଁଇଁ ମା଼ନିକିହାଁ ଜାହାରାଇଁ ଅ଼ଜିକିହା କଡିମାଚୁ । 6 ଏଲେକିହିଁଏ ସାରା ଜିକେଏ ଅବ୍ରାହାମଇଁ ମା଼ନୱି ଆ଼ହାଁ ଏ଼ୱାଣାଇଁ ନା଼ ପ୍ରବୁ ଇଞ୍ଜିମାଚେ; ମୀରୁ ଜିକେଏ ନୀଏଁ ଏ଼ନାଆଁ ଆଜାଆନା ନେହିଁ କାମା କିତିହିଁ ଏ଼ଦାଣି ମା଼ସ୍‌କାତେରି ଆ଼ଦେରି ।