3 ମୀରୁ ସୁଦୁ ଗାଟାତେରି ଆ଼ହାଁ ମାଞ୍ଜୁ, ଈଦିଏ ମାହାପୂରୁତି ଅଣ୍‌ପୁ ତଲେ ମାଞ୍ଜୁ, ଅ଼ଡ଼େ ବାରେ ଲେହେଁତି ଦା଼ରିକାମାଟି ଏଟ୍‌କା ଆ଼ହାଁ ମାଞ୍ଜୁ । 4 ମାହାପୂରୁଇଁ ପୁନାଆତି ଲ଼କୁ ଲେହେଁ ଆଙ୍ଗାତି ଜୂପ୍‌କାତି ଅଣ୍‌ପୁ ତଲେ ମାନାଆନା ମୀରୁ ରଅ ରଅତେରି ମୀ ମୀ ଡକ୍ରି ତଲେ ଲ଼କୁ କାନୁତା ସୁଦୁ ଅ଼ଡ଼େ ମା଼ନି ତଲେ ମାଞ୍ଜାଲି ପୁଞ୍ଜୁ । 5 ଇଞ୍ଜାଁ ମାହାପୂରୁଇଁ ପୁନାଆତି ଏଟ୍‌କା କୂଡ଼ାତି ଲ଼କୁ ଲେହେଁ ଆଙ୍ଗାତି ଅଣ୍‌ପୁ ତଲେ ମାନାଆନା । 6 ଏମ୍ବାଟିଏ ଈ ବାରେ କାତାତା ଆମ୍ବାଆସି ତାନି କ୍ରୀସ୍ତାନା ତାୟିଇଁ ଦ଼ହ କିଆପେସି, କି ନା଼ଡ଼ି କିଆପେସି, ଏ଼ନାଆଁତାକି ଇଚିହିଁ ପ୍ରବୁ ଏଲେ କିନାଣାଇଁ ଡଣ୍ତ ହୀନେସି ଇଞ୍ଜିଁ ମା଼ମ୍ବୁ ତଲିଏ ମିଙ୍ଗେ ୱେସାନା ଜାଗ୍ରାତା କିହାଁ ସା଼କି ହୀହାମାଞ୍ଜାତମି । 7 ଇଚିହିଁ ମାହାପୂରୁ ମାଙ୍ଗେ ପ଼ଲ୍‌ଆଗାଟି କାମାତା ନୀଡାଲି ଆ଼ଏ, ସାମା ସୁଦୁ ଗାଟାତାୟି ଆୟାଲି ଆ଼ଚାମାଞ୍ଜାନେସି ।