2 Tessalonicenses 2

ଲାଗେଏତି ମାଣ୍‌ସି

1 ✝ ୨:୧ ୧ତେସ ୪:୧୫-୧୭ ତାୟିୟାଁ ଅ଼ଡ଼େ ତାଙ୍ଗିସ୍କାତେରି, ପ୍ରବୁ ଜୀସୁ କ୍ରୀସ୍ତ ୱେଣ୍ଡେ ୱା଼ନାଣି ଅ଼ଡ଼େ ମା଼ର ତାନିତଲେ କୂଡ଼ା ଆ଼ନାଣି ତାକି ମିଙ୍ଗେ ବାତିମା଼ଲି ମାଞ୍ଜାନମି । 2 ପ୍ରବୁତି ଦିନା ଏଗାୱା଼ତେୟିଏ ଇଞ୍ଜିହିଁ ମୀ ଏ଼ନି ଜୀୱୁ କି ବ଼ଲୁ କି ମା଼ ତା଼ଣାଟି ରା଼ସ୍‌କି ଆ଼ହାମାନେ ଇଞ୍ଜିଁ ଅଣ୍‌ପାହାଁ ଆମିନି ଆ଼କୁ ତଲେ ଗା଼ଡ଼େକେଏ ଗୁଚା ଆ଼ଆଦୁ କି କିଲିବିଲି ଆ଼ଆଦୁ । 3 ଆମ୍ବାଆସି ଏ଼ନିକିହିଁ ଜିକେଏ ମିଙ୍ଗେ ନା଼ଡ଼ି କିୟାଆପେସି, ଏ଼ନାଆଁତାକି ଇଚିହିଁ ମୂଲୁଏ ଦାର୍ମୁ ବିତ୍ରା ଗଡ଼୍‌ହା ଆ଼ନେ, ଅ଼ଡ଼େ ନା଼ସାକିନି ଦାର୍ମୁ ହିଲାଆ ମାଣ୍‌ସି ତ଼ଞ୍ଜା ଆ଼ନାୟି ମାନେ, ଆ଼ଆତିଁ ପ୍ରବୁତି ଦିନା ୱା଼ଏ । 4 ଈୱାସି ଏ଼ ଦାର୍ମୁ ହିଲାଆଗାଟି ମାଣ୍‌ସି ପୂଜା ବେଟାଆ଼ହିମାନି ପେ଼ଣ୍‌କା କି ମାହାପୂରୁ କ଼ପାଟି ନିଙ୍ଗିନେସି ଅ଼ଡ଼େ ବାରେତି କିହାଁ ଜାହାରାଇଁ ହା଼ରେକା ଗା଼ୱୁରମି କିହାକଡିନେସି, ଇଲେକିହିଁ ମାହାପୂରୁତି ଇଲୁତା ଜିକେଏ କୁଗାହାଁ ଏ଼ୱାସି ନା଼ନୁ ମାହାପୂରୁତେଏଁ ଇନେସି ।