13 ସାମା ରେ଼ଜି ରେ଼ଜିହିଁ ବୂତୁୟାଁ ପେ଼ର୍ନି ଜୀହୁଦିୟାଁ ବିତ୍ରାଟି ଏଚରଜା଼ଣା ପ଼ଲ୍ଆ ବୂତୁୟାଁ ଆସାମାନାରି ଲାକ ପ୍ରବୁ ଜୀସୁ ଦ଼ରୁ ଆସାହାଁ ପେ଼ର୍ହାଲି ଅଣ୍ପାହାଁ ଏଲେଇଚେରି, "ପା଼ୱୁଲ ଆମିନି ଜୀସୁଇଁ ୱେ଼କ୍ହି ମାନେସି ନା଼ନୁ ଏ଼ୱାଣି ଦ଼ରୁଟି ନିଙ୍ଗେ ହୁକୁମି ହୀହିମାଞ୍ଜାଇଁ ।" 14 ସ୍କେବା ଦ଼ରୁଗାଟି ର଼ ଜୀହୁଦି କାଜା ପୂଜେରାତି ସା଼ତା ଜା଼ଣା ମୀର୍କା ଏଲେ କିହିମାଚେରି ।
15 ସାମା ପ଼ଲ୍ଆ ବୂତୁୟାଁ ଏ଼ୱାରାଇଁ ଏଲେଇଚୁ, "ନା଼ନୁ ଜୀସୁଇଁ ପୁଞ୍ଜାମାଇଁ ଅ଼ଡ଼େ ପା଼ୱୁଲଇଁ ପୁଞ୍ଜାମାଇଁ; ସାମା ମୀରୁ ଆମ୍ବାଆତେରି ?"
16 ଏଚେଟିଏ ଏ଼ ପ଼ଲ୍ଆ ବୂତୁ ଆଲ୍ଗା ମାଚାସି ଏ଼ୱାରି ଲାକ ଡେ଼ୱାଁନା ଏ଼ୱାରାଇଁ ଇର୍ହାଲିଏ ଏ଼ୱାରି ନା଼ଗ୍ଡ଼ା ଉଗ୍ଡ଼ା ରା଼ଣାରାକା ଆ଼ହାଁ ଏ଼ ଇଲୁଟି ହଟେରି ।