Gálatas 2

ପା଼ୱୁଲ ପିତରଇଁ ଲା଼ଗିନାୟି

11 ସାମା କେ଼ପା*୨:୧୧ ପିତରଏଚିବେ଼ଲା ଆନ୍ତିୟକିୟାତା ୱା଼ହାମାଚେସି, ନା଼ନୁ ଏ଼ୱାଣାଇଁ ବାରେ ଲ଼କୁ ନ଼କିତା ଲା଼ଗିତେଏଁ, ଇଚିହିଁ ଏ଼ୱାସି ଦ଼ହ କିହିମାଚେସି । 12 ଜାକୁବ ତା଼ଣାଟି ଏଚରଜା଼ଣା ୱା଼ଆ ନ଼କେଏ ପିତର ଜୀହୁଦିଆ଼ଆତି ତାୟି ତାଙ୍ଗିସ୍କା ତଲେ ତିଞ୍ଜିମାଚେସି, ସାମା ଏ଼ୱାରି ୱା଼ହାଲିଏ, ଏ଼ୱାସି ଏ଼ ତାୟି ତାଙ୍ଗିସ୍କାଇଁ ଆଜାନା ଜୀହୁଦିଆ଼ଆତି ତାୟି ତାଙ୍ଗିସ୍କାଇଁ ପିସାହାଁ ଏଟ୍‌କା ଆ଼ତେସି । 13 ଇଞ୍ଜାଁ ଏଚରଜା଼ଣା ଜୀହୁଦି ତାୟିୟାଁ ଜିକେଏ ପିତର ତଲେ ଆଣ୍ତାହାଁ ପୁଞ୍ଜି ପୁଞ୍ଜିହିଁ ପୁନାଆତାରି ଲେହେଁ ନା଼ଡ଼ିକିୱି ଆ଼ତେରି, ଏଲେଆ଼ହିଁ ବର୍ନବା ଜିକେଏ ଏ଼ୱାରି କାତା ଆସ୍ତେସି । 14 ଏଚିବେ଼ଲା ନା଼ନୁ ମେସ୍ତେଏଁ, ଏ଼ୱାରି ନେହିଁ କାବ୍ରୁତି ସାତା ତଲେ ତା଼କିହିଲଅରି, ଏଚିବେ଼ଲାତା ନା଼ନୁ ବାରେ ଲ଼କୁ ନ଼କିତା କେ଼ପାଇଁ*୨:୧୪ ପିତର ଏଲେଇଚେଏଁ, "ନୀନୁ ଜୀହୁଦି ଆ଼ହାଁ ଜୀହୁଦି ଲ଼କୁ ଲେହେଁ ଲେ଼ମ୍ବାଆନାହାଁ ଜୀହୁଦିଆ଼ଆତି ଲ଼କୁଲେହେଁ ନୀଡିମାଞ୍ଜି, ଆତିହିଁ ନୀନୁ ଏ଼ନିକିହିଁ ଜୀହୁଦିଆ଼ଆତି ଲ଼କୁଣି ଜୀହୁଦି ଲ଼କୁଲେହେଁ ଲେ଼ମ୍ବାଲି ବାଲାମାତମି କିହିମାଞ୍ଜି ।"