Hebreus 12

7 ନେହାତେରି ଆ଼ହାଲି କସ୍ତ ଅ଼ର୍‌ହି ମାଞ୍ଜେରି, ମାହାପୂରୁ ମିଙ୍ଗେ ମୀର୍‌କା ଲେହେଁ ଲେ଼ମ୍ବିମାଞ୍ଜାନେସି, ଇଚିହିଁ ଆ଼ବା ଆମ୍ବାଆରାଇଁ ଡଣ୍ତ ହୀଅସି ଇଲେତି ମୀର୍‌ଏସି ଆମ୍ବାଆସି ମାନେସି ? 8 ସାମା ଆମିନି ଡଣ୍ତତା ବାରେ ଆଣ୍ତିନେରି, ଇଞ୍ଜାଁ ମୀରୁ ଏମ୍ବାଆଁ ଆଣ୍ତାଆତାତେରି, ଆତିହିଁ ମୀରୁ ମୀର୍‌କା ଆ଼ଆନା ଦା଼ରେଣି ମୀର୍‌କା ଆ଼ଦେରି । 9 ଅ଼ଡ଼େ ଜିକେଏ, ମା଼ ଦାର୍‌ତିତି ତାଞ୍ଜିୟାଁ ମାଙ୍ଗେ ସା଼ସ୍ତି ହୀୟାତି ଜିକେଏ ଏ଼ୱାରାଇଁ ମା଼ର ମା଼ନି କିତାୟି, ଆତିହିଁ ମା଼ ଲାକପୂରୁତି ଆ଼ବାଇଁ ଏଚେ ହା଼ରେକା ମା଼ନୱି ଆ଼ହାଁ ଜୀୱୁ ବେଟା ଆ଼ଆୟି ? 10 ମା଼ ଦାର୍‌ତିତି ତାଞ୍ଜିୟାଁ ତାମି ଅଣ୍‌ପୁତା ନେହିଁ ଆ଼ନିଲେହେଁ ମାଙ୍ଗେ ଗା଼ଡ଼େକା ଦିନାତାକି ସା଼ସ୍ତି ହିୟାତେରି; ସାମା ମା଼ର ଏ଼ନିକିଁ ମାହାପୂରୁତି ସୁଦୁତା ଆଣ୍ତାଲି ଆ଼ଡିନାୟି, ଈଦାଆଁତାକି ମାହାପୂରୁ ମା଼ ନେହିଁ ତାକି ମାଙ୍ଗେ ଡଣ୍ତ ହିୟାନେସି ।