23 ରିଜାରି କ଼ସ୍କା ଜୀସୁଇଁ ପା଼ସିତା ଏକ୍ହି ଜେ଼ଚ ଏ଼ୱାଣି ହିମ୍ବରିକା ଅ଼ହାଁ ସା଼ରି ବା଼ଗା କିତେରି, ର଼ ର଼ କ଼ହ୍ଏଁଣାକି ରଣ୍ତାଲାକା, ଅ଼ଡ଼େ ଏ଼ୱାଣି ଲାମ୍ବା ସକା ଜିକେଏ ଅ଼ତେରି । ଏ଼ ଲାମ୍ବା ସକା ତାଚାହାଁ ହେର୍କି ଟିଏ ପାଃଆନା କଡାୟାଁ ପାତେକା କିୱି ଆ଼ହାମାଚେ । 24 ଏ଼ଦାଆଁତାକି ଏ଼ୱାରି ଏଲେଇଚେରି, "ଈଦାଆଁ ଗେହ୍ଆପ, ସାମା ଈଦି ଆମ୍ବାଆରାୱାୟି ଆ଼ନେ, ଏ଼ଦାଆଁତାକି ପାଦି କିନ ।" ଏ଼ନିକିଁ ଦାର୍ମୁ ପତିତି କାତା ପୂରା ଆ଼ନେ,
"ଏ଼ୱାରି ତାମି ବିତ୍ରା ନା଼ ହିମ୍ବରିକା ବା଼ଗା କିତେରି,
ଅ଼ଡ଼େ ନା଼ ଲାମ୍ବା ସକାତାକି ପାଦି କିତେରି ।" ରିଜାରି କ଼ସ୍କା ସମାନା ଏଲେକିହିଁଏ କିତେରି ।
25 ସାମା ଜୀସୁତି ପା଼ସିମୁଣ୍ତା ଡାଗେ ତାମି ଇୟା, ତାମି ଇୟାନି ତାଙ୍ଗି, କ୍ଲପାତି ଡକ୍ରି ମରିୟମ ଅ଼ଡ଼େ ମଗ୍ଦଲିନି ମରିୟମ ନିଚାମାଚୁ । 26 ଜୀସୁ ତାମି ଇୟା ଅ଼ଡ଼େ ଏମିନି ସୀସୁଇଁ ଜୀୱୁ ନ଼ହିଁମାଚେସି, ଏ଼ୱାସି ଡାଗେ ନିଚାମାନାଣି ମେସାହାଁ ଏଲେଇଚେସି, "ଏ଼ ଇୟା ମେହ୍ମୁ ନୀ ମୀର୍ଏସି ।"
27 ଡା଼ୟୁ ଜୀସୁ ଏ଼ ସୀସୁଇଁ ଏଲେଇଚେସି, "ଈଦି ମୀ ଇୟା ।" ଏ଼ ଦିନାଟିଏ ଏ଼ ସୀସୁ ଜୀସୁତି ଇୟାନି ତାମି ଇଜ ଅ଼ତେସି ।
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)