João 20

ଜୀସୁ ଅ଼ଡ଼େ ତ଼ମା

24 ସାମା ଜୀସୁ ଏଚିବେ଼ଲା ୱା଼ହାମାଚେସି, ଏଚିବେ଼ଲାତା ବା଼ରଜା଼ଣା ବିତ୍ରା ତ଼ମା ଆମ୍ବାଆରାଇଁ ଦିଦୁମ ଇନେରି, ଏ଼ୱାସି ଏ଼ୱାରିତଲେ ହିଲାଆତେସି । 25 ଏଟ୍‌କାତି ସୀସୁୟାଁ ଏଲେଇଚେରି, "ମା଼ମ୍ବୁ ଜୀସୁଇଁ ମେସ୍ତମି ।" ଇଞ୍ଜାଁ ଏ଼ୱାସି ଏ଼ୱାରାଇଁ ଏଲେଇଚେସି, "ଏ଼ୱାଣି କେୟୁତି କୁଟିୟାଁ ସିନା ମେହ୍‌ଆତିହିଁ ଅ଼ଡ଼େ ଏ଼ ବାରେ ତା଼ଣା ନା଼ ୱାଞ୍ଜୁ ଉହ୍‌ଆନା ଇଞ୍ଜାଁ ଏ଼ୱାଣି ପାଡ଼୍‌କା ଡ଼଼ଇକା ଡୀଗାଆନା ନା଼ନୁ ଏଚେଲା ଜିକେଏ ନାମଅଁ ।"

26 ଆ଼ଟାଦିନା ଜେ଼ଚ ତାନି ସୀସୁୟାଁ ଏ଼ ଇଲୁତେଏ ମାଚେରି, ଅ଼ଡ଼େ ତ଼ମା ଜିକେଏ ଏ଼ୱାରିତଲେ ମାଚେସି, ଦା଼ରାୟାଁ ସୁଣ୍ତ୍‌କି ଆ଼ହାମାଚୁ, ସାମା ଜୀସୁ ୱା଼ହାଁ ଏ଼ୱାରି ମାଦି ନିଚାହାଁ ଏଲେଇଚେସି, "ମିଙ୍ଗେ ହିତ୍‌ଡ଼ି ଆୟାପେ ।" 27 ଡା଼ୟୁ ଏ଼ୱାସି ତ଼ମାଇଁ ଏଲେଇଚେସି, "ଇମ୍ବାଆଁ ନୀ ୱାଞ୍ଜୁ ଊସାନା ସିନିକିମୁ, କେୟୁ ଦା଼ସାହାଁ ନା଼ ପାଡ଼୍‌କା ଡ଼଼ଇକା ଡୀଗାମୁ; ଆନାମାନା ଆ଼ଆନା ନାମାମୁ ।"

28 ତ଼ମା ଜୀସୁଇଁ ଏଲେଇଚେସି, "ନା଼ ପ୍ରବୁ ନା଼ ମାହାପୂରୁ ।"

29 ଜୀସୁ ଏ଼ୱାଣାଇଁ ଏଲେଇଚେସି, "ନୀନୁ ନାଙ୍ଗେ ମେସାହାଁ ନାମିମାଞ୍ଜାଦି, ଆମ୍ବାଆରି ମେହ୍‌ଆନା ନାମିନେରି ଏ଼ୱାରି ନେହେଁ ।"