ମାର୍କ 10

ଜାକୁବ ଅ଼ଡ଼େ ଜହନ ବାତିମା଼ଲିନାୟି

35 ଡା଼ୟୁ ଜେବଦି ମୀର୍‌କା ଜାକୁବ ଅ଼ଡ଼େ ଜହନ ଜୀସୁ ତା଼ଣା ୱା଼ହାଁ ଏଲେଇଚେରି, "ଏ଼ ଗୂରୁ ମା଼ ଅଣ୍‌ପୁ ମା଼ମ୍ବୁ ନୀ ତା଼ଣାଟି ଏ଼ନାଆଁ ରୀହ୍‌ନମି ଏ଼ଦାଆଁ ମା଼ ତାକି ନୀନୁ କିମୁ ।"

36 ଇଞ୍ଜାଁ ଜୀସୁ ଏ଼ୱାରାଇଁ ୱେଚେସି, "ନା଼ନୁ ମୀ ତାକି ଏ଼ନାଆଁ କିଇଁ ଇଞ୍ଜିଁ ମୀରୁ ଅଣ୍‌ପିମାଞ୍ଜେରି ?"

37 ଏ଼ୱାରି ଏ଼ୱାଣାଇଁ ଏଲେଇଚେରି, "ନୀନୁ ଗା଼ୱୁରମିଗାଟି ରା଼ଜିତା କୁଗିସାରେ ଏ଼ନିକିଁ ମା଼ ବିତ୍ରାଟି ରଅତମି ନୀ ଟିଃନି ଟଟ ଅ଼ଡ଼େ ରଅତମି ନୀ ଟେ଼ବ୍ରି ଟଟ କୁଗିନମି ଈ ବ଼ର ମାଙ୍ଗେ ହିୟାମୁ ।"