ମାତିୟୁ 12

ଜୀସୁତି ଇୟା ଅ଼ଡ଼େ ତାୟିୟାଁ

46 ଜୀସୁ ବାରେ ଲ଼କୁଇଁ ହା଼ଡା ଆ଼ହିମାଚାଟି ତାମି ଇୟା ଅ଼ଡ଼େ ତାୟିୟାଁ ପାଙ୍ଗାତା ନିଚାହାଁ ହା଼ଡା ଆ଼ହାଲି ମ଼ନ କିହିମାଚୁ । 47 ଏଚେଟିଏ ରଅସି ୱା଼ହାଁ ଜୀସୁଇଁ ଏଲେଇଚେସି, "ମେହ୍‌ମୁ, ମୀ ଇୟା ଅ଼ଡ଼େ ନୀ ତାୟିୟାଁ ପାଙ୍ଗାତା ନିଚାହାଁ ହା଼ଡା ଆ଼ହାଲି ମ଼ନ କିହିମାନେରି ।"

48 ସାମା ଈ କାତା ୱେସ୍ତାଣାଇଁ ଜୀସୁ ଏଲେଇଚେସି, "ଆମ୍ବାଆୟି ନା଼ ଇୟା ଇଞ୍ଜାଁ ଆମ୍ବାଆରି ନା଼ ତାୟିୟାଁ ?" 49 ଅ଼ଡ଼େ ସୀସୁୟାଁ ୱାକି କେୟୁ ଦା଼ସାହାଁ ଏଲେଇଚେସି, "ମେହ୍‌ଦୁ ମାୟା ଇଞ୍ଜାଁ ମା଼ ତାୟିୟାଁ, 50 ଇଚିହିଁ ଆମ୍ବାଆୟି ଜିକେଏ ନା଼ ଲାକପୂରୁତି ଆ଼ବା କାତା ଆହ୍‌ନେସି ଏ଼ୱାସି ନା଼ ତାୟି ଏ଼ଦି ନା଼ ତାଙ୍ଗି ଅ଼ଡ଼େ ମା଼ ଇୟା ।"