Mateus 13

3 ଅ଼ଡ଼େ ଜୀସୁ ପୁଣ୍‌ମ୍ବିକିନି କାତା ହା଼ରେକା ୱେସ୍ତେସି, ଏ଼ୱାସି ଏଲେଇଚେସି । "ମେହ୍‌ଦୁ ର଼ ବିଚା ମାଟିନାସି ମାଟାଲି ହ଼ତେସି । 4 ଏ଼ୱାସି ବିଚା ମାଟିନି ବେ଼ଲା କଚେକା ବିଚା ଜିରୁତା ରିତେ ଇଞ୍ଜାଁ ପଟାୟାଁ ୱା଼ହାଁ ଏ଼ ପା଼ଡ଼େୟି ପେର୍‌ହା ତିଚୁ । 5 ଅ଼ଡ଼େ କଚେକା ବିଚା ୱାଲ୍‌କାତି ପା଼ତାଡ଼ା ବୂମିତା ରିତେ, ଇଞ୍ଜାଁ ଇର୍‌ଆ ଗାଡି ହିଲାଆତାକି ପା଼ଡ଼େୟି ତବେ ଗଜା ଆ଼ତେ । 6 ସାମା ୱେ଼ଡ଼ା ହ଼ଚାଲିଏ, ଗଜା ଆ଼ହାମାଚାୟି ୱେହା ହାଚେ, ଇଞ୍ଜାଁ ତାନି ହୀରୁ ଗାଡି ଡ଼଼ଇକା ହାଲାଆତାକି ୱା଼ୟାହାଚେ । 7 ଅ଼ଡ଼େ କଚେକା ବିଚା ହା଼ପ୍‌କା ବୂଟା ଡ଼଼ଇ ରିତେ, ଇଞ୍ଜାଁ ହା଼ପ୍‌କା ବୂଟାୟାଁ ବାରେ ପାଡାଆ଼ହାଁ ଆର୍ନା ଡାକିତି ପ୍ଡିକ୍‌ହାତୁସ୍ତେ । 8 ଅ଼ଡ଼େ କଚେକା ବିଚା ନେହିଁ ବୂମିତା ରିତେ, ଇଞ୍ଜାଁ କାମ୍ବାନା ର଼ ପା଼ଡ଼େୟିଟିଏ ପା଼ସାକ଼ଡ଼ି, ତୀନିକ଼ଡ଼ି ଇଞ୍ଜାଁ କଡ଼େଦସ ପା଼ଡ଼େୟିକା କାମ୍ବିତୁ ।"

9 "ଆମ୍ବାଆରାକି କୀର୍କା ମାନୁ ଏ଼ୱାସି ୱେଣ୍‌ମ୍ବାସି ।"