ମାତିୟୁ 14

28 ଏଚେଟିଏ ପିତର ଏଲେଇଚେସି, "ଏ଼ ପ୍ରବୁ ସାତେଏ ନୀନୁ ଇଚିହିଁ ଏ଼ୟୁଲାକଟି ତା଼କିହିଁ ନୀପ ୱା଼ହାଲି ହୁକୁମି ହିୟାମୁ ।"

29 ଜୀସୁ ଏଲେଇଚେସି "ୱା଼ମୁ!" ଏଚେଟିଏ ପିତର ଡଂଗଟି ରେ଼ଚାହାଁ ଜୀସୁ ତା଼ଣା ଏ଼ୟୁଲାକଟି ତା଼କିହିଁ ହାଚେସି । 30 ସାମା ଗା଼ଲି ମେସାହାଁ ଆଜିତେସି, ଇଞ୍ଜାଁ ଏ଼ୟୁଣା ମୁଞ୍ଜିହିଁ ଏଲେଇଚେସି, "ଏ଼ ପ୍ରବୁ ନାଙ୍ଗେ ଗେଲ୍‌ପାମୁ ।"

31 ଏ଼ ଦେବୁଣିଏ ଜୀସୁ କେୟୁ ଦା଼ସାହାଁ ପିତରଇଁ ଆସାହାଁ ଏଲେଇଚେସି, "ଏ଼ ଊଣା ନାମୁ ଗାଟାତି! ଏ଼ନାଆଁ ତାକି ଆନାମାନା ଆ଼ତି ?"