Tiago 4

ବଡପଣ କିଆଦୁ

13 ନୀଏଁ ମେହ୍‌ଦୁ, ଆମ୍ବାଆତେରି ଏଲେ ଇଞ୍ଜିମାଞ୍ଜେରି, "ନୀଞ୍ଜୁ କି ୱିଏ ମା଼ମ୍ବୁ ଏ଼ ଗା଼ଡ଼ାତା ହାନମି ଇଞ୍ଜାଁ ଏମ୍ବାଆଁ ର଼ ବାର୍ସା ପାତେକା ଡ଼ୟାହାଁ ବେ଼ବାରା କିହାଁ ଗାଡି ଲା଼ବା କିନମି;" 14 ସାମା ୱିଏ ଏ଼ନାୟି ଆ଼ନେ, ଏ଼ଦାଆଁ ମୀରୁ ପୁଞ୍ଜାହିଲଅତେରି, ମୀ ଜୀୱୁ ଏ଼ନିକିଁ ଗା଼ଡ଼େକା ତ଼ଞ୍ଜାଆ଼ହାଁ ଗା଼ଡ଼େକା ମେଣ୍‌ଙ୍ଗାହାନି ଊକ୍‌ଅଡ଼ି, ମୀରୁ ଏଲେତାତେରି । 15 ଈଦାଆଁତାକି ମୀରୁ ଏଲେଇନାୟି ମାନେ, "ପ୍ରବୁତି ଅଣ୍‌ପୁ ଆ଼ତିସାରେ ମା଼ର ଜୀୱୁତଲେ ନୀଡା ମାଞ୍ଜାହାଁ ଈଦାଆଁ କିନ ଆ଼ଆତିଁ ଏ଼ଦାଆଁ କିନ ।" 16 ସାମା ମୀରୁ ନୀଏଁ ମୀ ବଡପଣ ତ଼ସାକଡିମାଞ୍ଜେରି; ଇଲେତି ବଡପଣ ଲାଗେଏତାୟି ।

17 ଏ଼ନାଆଁତାକି ଇଚିହିଁ, ଆମ୍ବାଆସି ନେହିଁ କାମା କିହାଲି ପୁଞ୍ଜାହାଁ କିଅସି ଏ଼ୱାସି ପା଼ପୁ କିନେସି ।