1 Coríntios 11

23,24 ✝ 11.23-24: Mt 26.26; Mk 14.22; Ru 22.19 Gu khar nde nzuai buni, Guma Bakɨme ntan nara nɨɨŋgim, gu nta bun nde nzuai. Mba buni khaŋ nzuai. Maan Zudas Zisas ndim, ana pana gumgi farve khɨngi. Mba maaŋra, Guma Bakɨme Zisas viktuma ndigap Fhe Bakɨmen ndikndigap, ana phorga suaŋgiap, ana phɨrgiap, khaŋ nzuai, "Khe nan fhava sɨk ma, gu nden kurkurar zav ana ndi ndɨɨi. Nde kha tɨvar muuŋv, na ndɨkndɨgɨri." 25 ✝11.25: Kis 24.6-8; Jer 31.31-34; Sek 9.11; Hi 8.8-13Ana maaŋ mbe suaŋgiap, mbe mbega thugap, ana wain ndigap, ana mba tɨvara muuŋgiap, ana khaŋ mbe nzuai, "Kha thama mbɨ, ana na vɨzɨn ma. Khe Fhe Bakɨme fhum taagi nde ndir zav suaŋgi tɨvar kameŋ ma. Gu won vɨzɨnan panan, gu mba kamen nde nzuai. Nde zazera kha khesharigi tɨvar muuŋv, wainan mbɨv, na ndɨkndɨgɨri." 26 ✝11.26: Zo 14.3; FG 1.11; 1 Te 4.16; VB 1.7Zisas khuen nza khɨvav kha kameŋ suaŋgi. Nde zazera kha viktum gu kha wainan mbɨv, nde khueŋ kaŋgiri. Nde Guma Bakɨme rimgi ne bun nzuai. Nde mbara muuŋv kɨrim ana taagip kha nuianan zirgɨrga.

Nza tuituigip wari won ndavi gum ndɨkndɨgi gangip, nza Guma Bakɨmen mban mbɨri.

27 ✝ 11.27: Nam 9.10; 9.13; Zo 6.51; 6.63-64; Hi 10.29 Maaŋ muuŋgip, guma the memɨrar Guma Bakɨme ndɨɨi tɨvar muuŋv, anan viktum gum wainan mbegɨrga, mba guma, anan tɨva mbatɨgar Guma Bakɨmen fhava sɨk gum anan vɨzɨna muuŋgi. Ana ne muuŋgi ne suaŋv, nen simtɨga ndirga. 28 ✝11.28: Mt 26.22; 2 Ko 13.5; Ga 6.4Guma fharav won ndava vhee gum won ndɨkndɨga gangip, ana zam mba viktum gum wainan mbɨri.