54 15.54: Ais 25.8; Hi 2.14-15; VB 20.14Kha guigira mbarɨgi fhavi, nta harigi khesharav, nta wom mbarɨgɨrga fhu, nta zazera nzerara kɨrga. Kha vhɨzi fhavi, nta harigi khesharav, nta zazera mbara muuŋgip kɨrga. Mba tugen, Fhe Bakɨme buni vhuuiŋ ki gap suaŋgi kameŋ guigira hɨgɨrga. Fhe Bakɨme buni vhuuiŋ ki gap khaŋ nzuai, "Fhe Bakɨme ntara mbuav, mba Vhɨzi tɨvar ŋkasŋka, ana guigira ana kambarigi." 55 15.55: Hos 13.14Ana ana kambaragim, nza khara mbuav khaŋ ana nzuai, "Vhɨzi, ndun ŋkasŋka maaŋ ki? Ndu kha gumgi kambararie? Vhɨzi, ndun fugar ŋkasŋka mba, ndu kha gumgir farfarga?"
56 15.56: Ro 4.15; 5.13; 6.14; 7.5; 7.13 Gumgi vhɨzi fugara khare, mbe tɨvi mbatɨgi muuŋgiap nen vheza ndirgen rivgi. Mbe tɨvi mbatɨgi vheza ndi ne khaŋ muuŋgi, mbe Fhe Bakɨme suaŋgi tɨvi daasui. 57 15.57: Ro 7.25; 1 Zo 5.4-5Nza Fhe Bakɨmen ndikndigɨrga. Ana nzan kurigim, nza Bakɨme Zisas Kraisan ŋaara ŋkasŋkar panan, nza ntara mbuav, ntara kambarigi.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)