Nza Fhe Bakɨmen buna vhuuen mberɨrga fhu.
3 1.3: FG 22.3; 23.1; Ro 1.8-9; Fi 3.5; 1 Te 1.2; 3.10 Nan nzɨgi, mbe wari wo ndavi vheri kaŋgiap, mbe guigira Fhe Bakɨme nɨman ŋgarav, mbe tɨvar vhuuŋra zɨn vov, Fhe Bakɨmen ŋaara muuŋgi. Gu ntigem mba khesharigi tɨvara zɨn vov Fhe Bakɨmen ŋaara mbui. Gu vhɨra won ndav vhee kaŋgi. Gu bigɨn mbatɨk thueŋ muuŋgip ne nzuav ana nɨman simtɨk ki fhuvara. Gu raa gu maan ana phorga nzuav, gu ndu ndɨkndɨgap Fhe Bakɨme phorga nzuav anan ndikndigi. 4 Gu ndu thee ri ne ndɨkndɨgap, gu guigira taagip ndu gangirganeŋ vuzvugi. Gu ndu gangip, gu guigira ndikndigɨrga. 5,6 1.5-6: FG 16.1; 1 T 1.5; 4.61.5-6: 1 Te 5.19; 1 T 4.14Gu guigira khueŋ kaŋgi, ndun nzɨk Rois gum ndu niamuuŋ Unis, mani fhum guigira Krais khothɨgi tɨvara muuŋgiap, ndu Krais khothɨgi. Ndu khaŋ tɨgap havhargiap guigira Zisas khothɨgi tɨv, gu ana ndɨkndɨgap, gu ndu ndɨkndɨga khavi. Ndu mba Fhe Bakɨme won ŋaara muun zav fhura ndu nɨɨŋgi bigɨn, ana khaŋ tɨgɨp havhargip ndun kɨri. Mba bigɨn, ana khaŋ muuŋgip ndun kɨri, guma vhav shiav kim, ana wom ana beregi, ana fogap kɨvgi fara muuŋgi. Gu mba farver ndu khɨngim, Fhe Bakɨme fhura ndu nɨɨŋgi ŋkasŋka, gu ana nzuai.
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)