Farasegi Gumgi 4

Mbe Pita guma Zon ndim bɨna khɨngi.

1 ✝ 4.1: Mt 22.23; Ru 22.4; 22.52; FG 23.8 Pita gum Zon mba bunin mba gumgi gu mbigi ga nzuavra kim, mba Fhe Bakɨme rotu gari gumgi gum, mba Fhe Bakɨme Phena gari gɨɨtɨvir guman pan gum, mba Sadusiŋ gumgi, mbe hegi. *4.1 Fhe Bakɨmen phena guara gari gɨɨtɨvi gari gɨmatɨvar pan, ana Fhe Bakɨme phena gari guman pan kav, ana mba Fhe Bakɨmen phena bɨna vhen ŋgari gɨɨtɨvi ki. Rivai, ana mbe gari gɨmatɨva pan ki.

2 Mbe khueŋ kaŋgi, mani Zisas rimgiap, taagia khavgi ne bun mba gumgi gu mbigi ga nzuai. Mani vhɨra khaŋ mbe nzuai, "Zisas taagia khavgim, mba vhɨzgi gumgi gu mbigi, mbe vhɨra taagip khavɨrga." Mbe maaŋ muuŋgiap ne nzuav mani ga vhegi. 3 Mbe ne nzuav mani suirav, mani ga suaŋv suan za mbui. Mbe mani ga suaŋv suan za mbuim, ra verav vhɨzgim, mbe thav mani ndim bɨna khɨngi. Mbe gurmaŋgip mani ga suanga.