21 11.21: Zo 11.32Marta vov khaŋ Zisas ga nzuai, "Guma Bakɨme, ndu khaŋ kake, nan fe rimgia ntɨɨŋ. 22 11.22: Zo 9.31Gu ntige vhɨra kaŋgi, ndu bigɨn the suaŋv Fhe Bakɨme phorgɨ suanga, ana mba bigɨnan ndun nɨɨŋgirga."
23 Zisas khaŋ ana nzuai, "Ndun fe taagi khavgirga." 24 11.24: Ru 14.14; Zo 5.29Marta mbara khaŋ ana nzuai, "Gu kaŋgi, ana mba vhɨzgi gumgi gu mbigi za khavi tugen, ana taagi khavgirga." 25 11.25: Zo 6.35; Kor 3.4; 1 Zo 1.1-2; 5.10Zisas mbaram khaŋ ana nzuai, "Gu nduara taagia guma khavav, bɨɨŋbɨɨŋ ana ndɨɨim, ana ki nen nɨɨŋge ma. Guma na khothɨgap ana rimgi, ana zazera mbara muuŋgiap ki bɨɨŋbɨɨŋ ndigi. 26 11.26: Zo 8.51Ŋam kav na khothɨgi guma, ana vhɨzgirga fhu.11.26 "ana vhɨzgirga fhu" — kha kameŋ nɨɨeŋ khaŋ muuŋgi, guma rimgi, ana zumgum taagia khavgip, ana zazera mbara muuŋgiap ki bɨɨŋbɨɨŋ ndigip kɨrga. Ndu ne khothɨgire?"
27 11.27: Mt 16.16; Zo 4.42; 6.14; 6.69 Marta mbara khaŋ Zisas ga nzuai, "Ahaŋ, Guma Bakɨme, gu khueŋ khothɨgi, ndu Fhe Bakɨmen Kam ma. Ndu Fhe Bakɨme taagip kha nuianan ki gumgi gu mbigi ndir za suaŋgiap sarigi kha nuianan zirɨr za mbui guma ma."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)