Zon 20

Zisas phorga rui gumgi Zisas gangi.

19 ✝ 20.19: Mk 16.14; Ru 24.36; Zo 19.38; 1 Ko 15.5 Zisas phorga ruigi gumgi, mbe Zudain gumgir pani rivgiap, wari khɨgap, vhembugum thɨma puigap wari vhen ki. Mbe Sande raar kav kim, ra verav vhɨzgim, Zisas zav mbe rɨgar mbar thɨgi. Ana thɨgap khaŋ mbe nzuai, "Nde ndavi mbɨrav wari kɨri." 20 ✝20.20: Zo 16.22; 19.34; 1 Zo 1.1Ana maaŋ mbe nzuav, won farveni gu won kuvsɨgen mbe khɨvi. Mba Zisas phorga ruigi gumgi ana gangiap, mben ndavi vheri guigira ndikndigi. 21 ✝20.21: Mt 28.18-19; Zo 17.18; 2 T 2.2; Hi 3.1Zisas taagia khaŋ mbe nzuai, "Nde ndavi mbɨrav wari kɨri. Dara na sarigi gu zɨgi, mba tɨvara gu nde sarigi nde ŋgɨri." 22 Ana maaŋ mbe suaŋgiap won bɨɨŋbɨɨŋ ga berigim, ana mben vui. Ana mbara khaŋ nzuai, "Nde Fhe Bakɨmen Ŋina Ŋaara ndiri. 23 ✝20.23: Mt 16.19; 18.18Nde gumgi muuŋgi tɨvi mbatɨgi, nde mbe tɨn nta vhɨzɨrga, mbe muuŋgi tɨvi mbatɨgi, Fhe Bakɨme vhɨra nta vhɨzgirga. Nde gumgi muuŋgi tɨvi mbatɨgi, nde mbe ntɨɨri vhɨzgirga fhu, mben tɨvi mbatɨgi mbara muuŋgip kɨrga."