Lucas 1

Maria muuŋgi ŋgav.

46 ✝ 1.46: 1 Sml 2.1-10; Sng 34.2-3; Hab 3.18 ✝ 1.46: 1 Sml 2.1-10 Erisabet nen Maria ga suaŋgim, Maria khaŋ nzuai,

"Na ndava vhee guigira Fhe Bakɨmen ndikndigav ana zɨ ndi vun kuagi.

47 Na ndava vhen ki guma, ana guigira Fhe Bakɨmen ndikndigi.

Fhe Bakɨme, ana taagip na ndiv nan kurkurarga guma ma.

48 ✝ 1.48: 1 Sml 1.11; Sng 138.6; Mal 3.12; Ru 1.25; 11.27 Gu anan ŋaara mbiga khɨn ma. Gu zɨ ki mbik fhuvara. Ana nduara na gangiap nan kora muuŋgi.

Mbe ntige gum zumgum, kha mbigi gu gumgi, mbe khaŋ na suanga, ‘Fhe Bakɨme ndɨkndɨga vhuuŋ na muuŋgi.’

49 ✝ 1.49: Sng 71.19; 111.9; 126.2-3 Gu kaŋgi, za kha bigi ga muuŋgiap nta kharav ŋkasŋka vun guarara ki Fhe Bakɨme, ana guigira bigɨna bakɨmen na muuŋgi. Ana zɨ ŋgaravra kɨrga.

50 ✝ 1.50: Kis 20.6; Sng 103.13-18 Fhe Bakɨme vhɨra mba ana rɨvav ana piin ki gumgi gu mbigi, ana guigira mbe kora mbui.

Ana ntige khar ki ntɨɨri, ana mbe kora mbui, ana vhɨra zumgum hɨrga ntɨɨri, ana vhɨra mbe korar muuŋgirga.

51 ✝ 1.51: 2 Sml 22.28; Sng 33.10; 98.1; Ais 40.10; 1 Pi 5.5 Fhe Bakɨme won farvenin ŋaari bakɨvin muuŋgirga. Ana mba wo zɨri ndim vun kuamkuarga gumgi, ana mbe sasararga, mbe tamtam ŋgegɨrga.

52 ✝ 1.52: 1 Sml 2.6; Jop 5.11; 12.19; Sng 113.6; 147.6 Ana mba ŋgui ganɨnga gumgir pani, ana mben ŋkasŋkagi, ana nta mbevarga, nta ŋgirgɨrga.

Ana mba wo mbevigi gumgi, ana mbe suirav mbe vun fegɨrga, mbe zɨri vun ndarga.

53 ✝ 1.53: 1 Sml 2.5; Sng 34.10; 107.9 Ana maaŋ muunga, ana mba bigi sosuagi gumgi, ana bigi vhuuiŋra mbe nɨɨŋgirga, mbe bigi tuktɨgɨrga.

Ana mba bigi vhɨrve ki gumgi, ana fhura mbe vharav mbe sararga, mbe fhura ŋgegɨrga.

54,55 ✝ 1.54-55: Stt 17.7; 17.19; 18.18; 22.17; Sng 98.3; 132.11; Ais 41.8; Mai 7.20; Ro 11.28; Ga 3.16 Ana won ŋaara gumgi Isreriŋ, ana mben kurkurarga. Ana mben kurkurav, ana vhɨra fhum Abraham ga suaŋgi kameŋ, ana ne ndɨkndɨk suiravra ki.

Ana vhɨra nzan nzɨgi, ana mba kameŋ zɨn ŋgɨv, ana zumgum mbe hɨrga, ana zazera mben korar muuŋgirga."