Mateus 16

Pita Zisas nɨɨŋ shɨgi.

13 Zisas maaŋ kegap khavgiap, Sisaria Firipai ŋgu bakɨme fhain vui. Ana vov, ana mba tugen, ana kha nzambaren wo phorga rui gumgi ga muuŋgi. Ana khaŋ mbe nzuai, "Kha gumgi gu mbigi, mbe Fhe Bakɨme Guma Guar, mbe ram mbui suambarar ana mbui, ana the guarara?" 14 ✝16.14: Mt 14.1-2; Mk 6.14-15; Ru 9.7-8Ana ne nzuaim, mbe khaŋ ana nzuai, "Mbe mbari khaŋ nzuai, ‘Ndu Zon Gumgi Ruai Guma ma.’ Mbe mbari khaŋ nzuai, ‘Ndu Iraiza ma.’ Mbe mbari khaŋ nzuai, ‘Ndu Zeremaia thi? Ndu mba Fhe Bakɨme kamthooŋ guma mbe ma.’ " 15 Mbe maaŋ nzuaim, Zisas mben nzarigi, "Mbe mba suambarar na mbuim, nde ram mbui suambarar na mbui, gu the ma?"

16 ✝ 16.16: Zo 6.68-69; FG 8.37; Hi 1.2; 1.5; 1 Zo 4.15 Ana ne nzuaim, Saimon Pita mbaram ana ŋgarkarav khaŋ ana nzuai, "Nde Fhe Bakɨme taagip za kha nuianan ki gumgi gu mbigi ndir zav suaŋgiap farasarav sarigi guma ma. Ndu zazera mbara muuŋgiap ki bɨɨŋbɨɨŋ ndi ndɨɨi Fhe Bakɨmen Kam ma."