Zisas bigi vhuuiŋ ndi phoga vhui ne nzuai.
19 6.19: 1 T 6.17; Hi 13.5; Ze 5.2-3 Zisas mba bunin mbe nzuav vov wom khaŋ mbe nzuai, "Nde kha nuianan khaŋ wari ga suaŋv bigir vhuuiŋ ndiv warira phogir vho thari. Kha nuian, ana baa gum suasuari bigi gori, vhɨra bigi wari tɨ vhiav mbarɨgim, vhɨra kɨɨi gumgi pheni phɨrav bigi kɨɨi nuian ma. 20 6.20: Mt 19.21; Ru 12.33-34; 18.22; Kor 3.1-2; 1 T 6.19; 1 Pi 1.4Nde Hevenan wari wo bigir vhuuiŋ ndiv phogar vhori. Hevenan baa gum suasuari bigi gori fhu, bigi vhɨra wari tɨ vhi fhu, kɨɨi gumgi vhɨra pheni phɨrav kɨɨi fhu. Mba ŋgun ndun bigi vhuuiŋ nzerara kɨrga. 21 6.21: Ru 12.34Ndun bigi vhuuiŋ ki ŋgu ndun vuzvuk, ana vhɨra mba ŋgun kɨrga."
Ndu rɨmani ndun vhavar ŋaar ma.
Ruk 11.34-36
22 6.22: Ru 11.34-36 Zisas mba bunin mbe nzua vov wom khaŋ mbe nzuai, "Nden rɨmgi, nta nden vhavir ŋaari ma. Ndun rɨmani nzerarga, ndu nzerara ruav, ndu vhava ŋaarar ki guma ma. 23 Ndu rɨmani mbatɨgi, ndu ruru tɨvi mbatɨgi, ndu za gɨngɨnan ki guma ma. Maaŋ muuŋgip, ndun vhen ki vhava ŋaar, ana gɨngɨngirga, ndu guigira gɨngɨna bakɨmen ki guma ma."
Guma mpiiŋsɨga phunin ŋgargirga tuktɨgi fhuvara.
Ruk 16.13
24 6.24: Ru 16.13; Ga 1.10; 1 T 6.17; Ze 4.4; 1 Zo 2.15 Zisas mba bunin mbe nzua vov wom khaŋ mbe nzuai, "Guma the mpiiŋsɨga phunini piin ŋgarigi fhuvara. Ana maaŋ muunga, ana the vuzvugirga, ana panan the kegɨrga. Ana vhɨra the buni mbarararga, ana kɨr the segɨrga. Nde vhɨra, nde ndavir Fhe Bakɨme ndɨɨi nde vhɨra ndavar ŋkɨɨar nɨɨŋ thari."
Ruk 12.22-31