Mateus 9

2 ✝9.2: Mt 8.10; Mk 2.3-5; Ru 5.18-20Ana vov phorgim, gumgi mbari bigi rimgi guma mbe, mbe kaan ana ndigap ana han zi. Zisas mbaram mbe garim, mbe guigira ana khothɨgim, ana mba tɨva gangia thav khaŋ mba bigi rimgi guma ga nzuai, "Nan kam, ndu ndav mbɨrari. Ndu fhum muuŋgi tɨvi mbatɨgi, gu nta vhɨzgiap, nta ndɨkndɨk ŋangi."

3 Zisas maaŋ ana nzuaim, mba Zudaiŋ tɨvir vhuuiŋ kaŋgi gumgi mbari maaŋ kav ne mbararagiap, nduarira khaŋ wari ga nzuai, "Mbu guma Fhe Bakɨme ŋana ndigi tɨva mbui."

4 ✝ 9.4: Sng 94.11; Mt 12.25; Ru 6.8; 9.47; Zo 2.25 Mbe mba suambara mbuim, Zisas fhum mbe ndɨkndɨgi kaŋgi, ana maaŋ muuŋgiap khaŋ mbe nzuai, "Nde thaŋ nzuav mba ndɨkndɨgi mbatɨgi nde ndavi vherir ki? 5 ✝9.5: Mk 2.5; 2.9; Ru 5.20; 7.48Gu ram mbui suambarar muunga ne nzerigi? Ee, gu kha suambarar muunga, ne nzerigire, ‘Gu ndu fhum muuŋgi tɨvi mbatɨgi, gu nta vhɨzgi,’ ee, khueŋ nzerigire, gu khaŋ suanga, ‘Ndu khavgip ŋgɨ’? 6 ✝9.6: Zo 5.8; 17.2Gu nde khueŋ kaŋgirgeŋ nzuav, gu khaŋ muuŋgia tɨga nzuai, Fhe Bakɨmen Guma Guar, ana kha nuianan tɨvi mbatɨgi vhɨzɨrga ŋkasŋka ki." Zisas maaŋ mbe suaŋgiap, mbaram mba bigi rimgi guma garav khaŋ ana nzuai, "Ndu khavgip, wo kaa ndigip, wo phenan ŋgɨ." 7 Zisas maaŋ ana suaŋgim, mba guma khavgiap wo phenan vui.