Mateus 9

Zisas rɨmani mbatɨgi guma phunin kurigim, mani rɨmani taagia nzerigim, ana vhɨra thɨni mpɨrigi guma mben kurigim, ana buni nzuai.

27 ✝ 9.27: Mt 15.22; 20.29-34 Zisas mba ŋgun kegap mba ŋgu tav khavgia vui. Ana vuim, rɨmani mbatɨgi guma phunini ana zɨn vov, ana kaav nzɨɨv, khaŋ ana nzuai, "Devitan Kam, ndu ŋkan korar muuŋ." 28 Ana vov phena mbe vhen verim, mba rɨmani mbatɨgi gumani vov ana han vui. Mani ana han vuim, Zisas manin nzarigi, "Ŋko na khothɨgi, gu ŋkon rɨmanin muuŋgirim, ni nzerarie?" Ana maaŋ nzuaim, mani ana ŋgarkarav khaŋ nzuai, "Ahaŋ, Guma Bakɨme, ŋka ndu khothɨgi. Ndu mba bigen muuŋgirga." 29 ✝9.29: Mt 8.13Mani maaŋ suaŋgim, ana wo farver mani rɨmani khɨngiap khaŋ mani ga nzuai, "Ŋko na khothɨgi ne nzuav, kha bigeŋ ŋkon hɨrga." 30 ✝9.30: Mt 8.4Zisas nen mani ga suaŋgim, mani rɨmani taagia nzerigim, mani taagia gari. Mani rɨmani nzerigim, Zisas kama havharar khaŋ mani ga nzuai, "Ŋko shɨshɨgɨp kha ŋkon hɨgi bigeŋ bun harigi guma the suaŋ thari." 31 Zisas mba kamen mani ga suaŋgim, mani vov mba kameŋ zɨn vugi fhu. Mani vov mba kameŋ bun za mba fhain ki gumgi gu mbigi ga nzuav, ana mba manin kurkurav mani ga muuŋgi tɨvar vhuueŋ, mani za ana bun suaŋgi.