10 Nde dətɛgbərɛ MARIKI ɛnabəp nəna yuruya ya Yakuba,
nde antɔf nŋɛ ŋɔyɔ yer-yer, mɛnɛ pukulɛ-kulɛ pa canda pɔkɔ yɛnayi dacɔ mɔ.
Kɔ MARIKI ombum yi, k’ondusum yi,
k’ɛŋgbɛkərɛ yi pəmɔ dɔfɔr dɔn.
11 MARIKI eyi nnɔ aka Yisrayel ŋayi mɔ pəmɔ ntɛ asiksik ŋentimi awut a ŋi mɔ,
MARIKI ombum aka Yisrayel pəmɔ ntɛ asiksik ŋombum awut a ŋi mɔ,
ŋemperi banca ntɛ tɔŋsɔŋɛ wan ka ŋi pədeŋsɛ yi kəroŋ mɔ,
ŋɛdeŋnɛ wan ka ŋi dəbanca.