Sariyɛ 34

Defi da Musa

1 Kɔ Musa ɛmpɛ kəyɛfɛ ka Araba nde Mohab kəkɔ ka tɔrɔ ta Nebo, telempan pa Piska, nde pəntɛfərɛnɛ kɔ Yeriko mɔ. Kɔ MARIKI ɔsɔŋɛ kɔ kənəŋk atɔf ŋaŋɔkɔ fəp: Kəyɛfɛ Kalad haŋ Dan, 2 Naftali fəp, atɔf ŋa Efrayim kɔ ŋa Manase, atɔf ŋa Yuda fəp haŋ nde kəba Kəpɔŋ ntende dec dɛŋkalɛ mɔ, 3 kəbəp ka atɔf ŋa Nɛkɛf, kɔ aranta ŋa Yurdɛn kəbəp ka Yeriko dare da komp, haŋ Cohar. 4 Kɔ MARIKI oloku Musa: «Atɔf ŋaŋɛ ŋ’inadɛrmɛ atem am Abraham, Siyaka kɔ Yakuba, icloku ŋa: ‹Indesɔŋ atɔf ŋaŋɛ yuruya yam.› Isɔŋ’am ŋi kənəŋkɛ fɔr yam, mba məfɔdebɛrɛ di.»

5 Kɔ Musa wəmarəs ka MARIKI efi dəndo atɔf ŋa Mohab, pəmɔ tɔkɔ MARIKI ɛnasom ti mɔ. 6 Kɔ MARIKI owup kɔ mɔrɔ dacɔ, nde atɔf ŋa Mohab, nde pəntɛfərɛnɛ kɔ Bet Peyɔr mɔ. Ali fum ɛncərɛ fɛ kufu ka Musa haŋ mɔkɔ.

7 Musa ɛnasɔtɔ meren tasar tin kɔ wəco mɛrəŋ (120) ntɛ encfi mɔ. Fɔr yɔn yɛncnəŋk belbel pəyeŋk sɔ dis. 8 K’aka Yisrayel ŋambok Musa mata wəco maas (30), nde Araba ŋa Mohab, ti disrɛ kɔ mataka ma kəbok kɔ kəbal ka Musa melip.

9 Yosuwe, wan ka Nun ɛnalarɛ amera ŋa kəcərɛ kəkɔt, bawo Musa ɛnadeŋər kɔ waca. K’aka Yisrayel ŋacəŋkəl kɔ, kɔ ŋancəmɛ moloku mmɛ MARIKI ɛnasom Musa mɔ darəŋ.

10 Kəyɛfɛ tatɔkɔ, ali sayibɛ səyɛfɛ fɛ sɔ Yisrayel pəmɔ Musa, sayibɛ nsɛ MARIKI ɛnacərɛ, ŋaclok-lokərɛnɛ gbasŋa kɔ wəkayi mɔ. 11 MARIKI ɛnasom kɔ kəkɔyɔ mɛgbɛkərɛ mɛwɛy-wɛy atɔf ŋa Misira fɔr ya firawona, abɛ aka kəlɔ kɔn disrɛ kɔ afum a atɔf ŋɔn fəp kiriŋ. 12 Mes mɔpɔŋ kɔ mɛwɛy-wɛy mmɛ Musa ɛnayɔnɛ kəca ka sɔkət fɔr ya aka Yisrayel fəp kiriŋ mɔ.