8 Manang adun, ayawi la mayu ya kadég na imo-unun na malatay. Diliꞌ kamu maksay magkadaman, aw diliꞌ kamu magluduk sa kadaman adti anenganeng mayu. Diliꞌ kamu magpalpa sa malatay adti eped na utaw. Diliꞌ kamu magtanemtanem sa malat. Diliꞌ kamu maglong sa malatay na tingeg adti eped. 9 Diliꞌ da kamu maggagalu-ay, kay pigluwas da mayu ya kamayu dadan na pagka-utawun dala ya kadég na imo-unun na malatay. 10 Aw asuntu na pigsut da mayu ya bagu na pagka-utawun na pig-imoꞌ na Tyumanem, silingi mayu ya kanan bet pada to-o mayu sakanan ka-ede-an.