6 Wakutuuna inda tee kakaata, Isa Al Masi mangamateaka i wakutuu mopadhana itantuakana Aulataʼala, garaaka ingkita manga mia mokodosa. 7 Roonamo amesagala o mia moundana mokurubaniakana karona to apasalaamatiaka mia mobanara, moomini koroo dhaangia uka o mia mobaranina mokurubaniakana karona to mia momalape. 8 Maka o Aulataʼala mangasusuaka kaasina wakutuuna Al Masi mangamateaka tee o kadhaangiata dhaangiapo takodosa.
9 Sii-sii o Aulataʼala mangaabhimo tabanara alaloi raana Al Masi; rampaakanamo sumai o Isa dhaanamo mangapasalaamati uka minaaka i pamuruna Aulataʼala. 10 Roonamo wakutuuna dhaangiapo tamembali musuna Aulataʼala, ingkita padhamo mangapapomalape alaloi matena Anana sumai, ntaranamo uka sii-sii ingkita tapomalapemo pendua tee Aulataʼala, atantumo ingkita bheamangapasalaamati uka alaloi dhadhina Anana. 11 Mencuana soo incia sumai! Maka ingkita uka amembali tabangga roonamo kalapena Aulataʼala alaloi Isa Al Masi Oputa Momalanga, roonamo Incia imembaliakata tapomalape pendua tee Aulataʼala.
5:12-21