1 Rampaakanamo sumai, sii-sii indamo dhaangia o kahukumu to manga incia modhadhina moposaanguna tee Isa Al Masi, 2 roonamo Rohina Aulataʼala mangapamembalina tadhadhiaka taposaangu tee Isa Al Masi mopadhana mopabebasiko minaaka i hukumu moumbaakana dosa tee mate. 3 Aulataʼala padhamo apewau opea inda momembalina ipewauna Hukumuna Taurati roonamo maanusia inda tee kapoolina, mbakana o Aulataʼala alamboko Anana karona. Tee aala bhanguna maanusia ikuasaina dosa, Anana sumai apamembalia kurubanina dosa, rampaakanamo sumai o Aulataʼala padhamo apekatalo kuasana dosa modhaangiana i nuncana karona maanusia. 4 Aulataʼala apewau mboo sumai mamudhaakana opea ifirimaniakana i nuncana tuturana Hukumuna Taurati sumai amembali atopamondo i nuncana karota modhadhina moosena kapeeluana Rohina Aulataʼala, tee indamo taose kapeeluata karota.