୧ ପିତର 5

ମାପୁରୁଦି ମେଣ୍ତେଙ୍ଗ୍‌ମାନ୍ଧା

1 ନାନ୍‌ ଅରେନ୍‌ ପେରିନେତା ଇସାବ୍‌ତାନ୍‌ ମିଙ୍ଗିଁ ମଣ୍ତ୍‌ଲିଦି ପେରିନେତାରିଙ୍ଗ୍‌ ମାଡ଼ିସ୍‍ କିଜିନା । ମାରି କ୍ରିସ୍ତଦି ଦୁଃକ୍‌ ପୟ୍‍ନିମାନୁ ନାନ୍‌ ଅରେନ୍‌ ସାକି ମାରି ୱାନି ଗୌରବ୍‌ ତରାୟ୍‍ଆନି ବେଡ଼ାଦୁ ନାନ୍‌ ଆବେନୁ ସାକି ତେବାନା । 2 ✝୫:୨ ଜୋହନ ୨୧:୧୫-୧୭.ମାପୁରୁ ମି କିୟୁଦୁ ଆମା ମେଣ୍ତେଙ୍ଗ୍‌ ମାନ୍ଦାଦି ଦାଇତ୍‌ ସିତାମାନାନ୍‌, ନାନୁ ମାଡ଼ିସ୍‍ କିଜିନା, ମିରୁ ଜାସେକିନିୱାଜା ଆକା କିଏଣ୍‌ଗା ୱେଡ଼ିକାଦାନ୍‌ ୱାନିକାଙ୍ଗ୍‌ ସେବା କିଦୁ । ମାତର୍‌ ମାପୁରୁଦି ବଦାଦାନ୍‌ ନେଗି ମୋନ୍‌ତାନ୍‌, ଦନ୍‌ ଆସାଦି ଉଣ୍ତିଙ୍ଗ୍‌ ଆକା କିଏଣ୍‌ଗା, ମାତର୍‌ ୱେଡ଼ିକାଦାନ୍‌ ଆକା କିଦୁ । 3 ମାରି ଆମାୱାରି ଦାଇତ୍‌ବୋଜୁ ମି କିୟୁଦୁ ସର୍ପେ ଆତାମାନାତ୍‌, ୱାରି ମୁସ୍‌କୁ ସାସନ୍‌ କିଏଣ୍‌ଗା ମାନ୍ଦା ଉଣ୍ତିଙ୍ଗ୍ ନିଜେଦି ଜିବନ୍‌ତୁ ସାରିତର୍‍ନି ଲୋକା ୱାଜା ଆଜି ଆକା ତରତୁ ।