1 ନାନ୍‍ ପାର୍‍ତୁମ୍‍ ଅନୁରୋଦ କିଜିନା, ପାର୍‍ତନା କିନିୱାଲେ, ୱିଜେରେ ଉଣ୍ତିଙ୍ଗ୍‍ ମାପୁରୁମାନୁ ପାର୍‍ତନା କିଦୁ, ମାଡ଼ିସ୍‍କିଦୁ ମାରି ଦନ୍ୟବାଦ୍‌ ସିଦୁ । 2 ଇୟାୱାଜା ଆଇ ସାସନ୍‌କିନିୱାରିଙ୍ଗ୍‍ ମାରି ରାଜାରିଙ୍ଗ୍‍ ପାର୍‍ତନା କିଦୁ, ଏଣ୍ତେସ୍‍ ମାପୁରୁଦି ବକ୍ତିଦାନ୍‍ ସାନ୍ତିଦାନ୍‍ ତେବାନିକା ମାରି ଆଇୱାରି ଉଣ୍ତିଙ୍ଗ୍‌ ନେଗେନ୍‍ତାନ ୱେଡ଼ିକାଦାନ୍‍ ଜିନିକା 3 ଇୟାନାନି ପାର୍‍ତନା ରକିୟା କିନି ମାପୁରୁ ଆଗ୍‍ଡ଼ି ଟିକ୍‍ ନି ଜଗ୍‌ । 4 ୱିଜେରେ ଏଣ୍ତେସ୍‌ ରକିୟା ମାରି ସତ୍‌ ବିସୟ୍‌ତାନ୍‌ ଜ୍ଞାନ୍‌ ପୟ୍‌ନାର୍‌, ୱାନ୍‌ ଇକା ବଦା କିନାନ୍‌ । 5 ଇରିଙ୍ଗ୍‌ ଅରେନ୍‌ମାତର୍‌ ମାପୁରୁ ମାନାନ୍‌, ମାରି ମାପୁରୁ ମାରି ଲୋକା ଲଇ ଅରେନ୍‌ମାତର୍‌ ନାଡ଼୍‌ମି ମାନାନ୍‌, ୱାନ୍‌ କ୍ରିସ୍ତ ଜିସୁ, ଅରେନ୍‌ ଲୋକ୍‌; 6 ୱାନ୍‌ ୱିଜେରିଙ୍ଗ୍‌ ମୁକୁଡ଼ାକିନି ଉଣ୍ତିଙ୍ଗ୍‌ ନିଜେଦିଙ୍ଗ୍‌ ଦାନ୍‌ ସିଜି ଇବେଣାନ୍‍ ଟିକ୍‍ ୱେଡ଼ାଦୁ ପାର୍‌ମାଣ୍‌ ଆତାମାନାତ୍‌ ଜେ, ମାପୁରୁ ୱିଜୁ ଲୋକାଙ୍ଗ୍‌ ସାକ୍ୟ ସିଦେଙ୍ଗ୍‌ ଇଚ୍ଛା କିନାନ୍‌ । 7 ✝୨:୭ ୨ ତିମତି ୧:୧୧.ଆୟା ସତ୍‌ ମାରି ବିସ୍‌ବାସ୍‌ତି କାବୁର୍‌ ଅଣଜିହୁଦିରି ଲାକ୍‌ତୁ ୱେର୍‌ତେଙ୍ଗ୍‌ ନାନ୍‌ ଅରେନ୍‌ ସିସୁ ମାରି ଗୁରୁ ୱାଜା ୱାତା ମାନା । ନାନ୍‌ ମିଚ୍‌ ୱେର୍‌ଏ, ଆମାକା ୱେର୍‌ସିନା, ଆକା ୱିଜୁ ପୁରା ସତ୍‌ ।

8 ପାର୍‍ତନାଦୁ ମାପୁରୁଦି ଦାର୍ମୁ ଲୋକୁ କିୟୁ ମୁସ୍‌କୁ ପେର୍‌ଜି ରିସା ନି ସୁରିୱାର୍‍ଗିଏନ୍‍ଣ୍ତା ପାର୍‌ତାନା କିପିର୍‍ । 9 ✝୨:୯ ୧ ପିତର ୩:୩.ଆଇମେକାଙ୍ଗ୍‍ଁ ନା ଅନୁରଦ୍‌, ୱାକୁ ଜାତୁନ୍‍ ଆପିୱି । ନାଣ୍ତ୍‌ଦାରାଦି ୱାତିଗନ୍ଦା ଆରାନିକା, କୁକୁଟି ରଙ୍ଗ୍‍ ଉସାଏନଣ୍ତା ମାରି ବାଙ୍ଗାଁରାମ୍‍ତାନ୍‌ ନିଜେଦିଙ୍ଗ୍‌ ତିଆର୍‌ଆଏଣ୍‌ଗା, 10 ଆଇମେକ୍‍ ସତ୍‍ ପାଣିଦାନ୍‌ ନିଜେଦି ଦାର୍ମୁବିସୟ୍‌ତି ତରିୱି । 11 ଆଇମେକ୍‍ ତିର୍‌ଆଜ ନେଗେନ୍‌ତାନ୍‌ ସିକିୟା ମାନାନିକା ମାନାତ୍‌ । 12 ଉପଦେସ୍‌ ସିନିକା ମାରି ଲୋକାଦି ମୁସ୍‌କୁ ସାସନ୍‌ କିନି ଉଣ୍ତିଙ୍ଗ୍ ଅଦିକାର୍‌ ନାନ୍‌ ଆଇମେକାଙ୍ଗ୍‍ଁ ସିଏ । ୱାକୁ ତିର୍‌ଆଜ ମାନିୱି । 13 ଇରିଙ୍ଗ୍‌ ଆଦମ୍‌ ପୁର୍ବେ ତିଆର୍‌ ଆତାମାର୍ହାନ୍‌; ତାନେୱେନ୍‌କା ହବାଦି ତିଆର୍‌ କିତାନ୍, 14 ମାରି ଆଗ୍‌ଡ଼ି ଆଦମ ଲାଲାୟ୍‍ ଆଇତିମାରିଙ୍ଗ୍‌, ଆଇମାନୁ ଲାଲାୟ୍‍ଆଜି ପାପ୍‌ କିଜି ମାପୁରୁଦି ମାଟା ମାନାଏତାତ୍‌ । 15 ମାତର୍‌ ୱାକୁ ନେଗି ବୁଦିଦାନ୍‌ ବିସ୍‌ବାସ୍‌, ଜିବନ୍‌ନୋନିକା ମାରି ପବିତ୍ରଦାନ୍‌ ତିର୍‌ ତେବାତିଙ୍ଗ୍‌, ୱାଦ୍‌ କଡ଼ ଜନମ୍‌ କିନି ମାଣୁକୁ ରକିୟା ପୟ୍‌ନାତ୍‌ ।