୧ ତେସଲନିକିୟ 4

15 ମାପ୍‌ ଇଲେଇ ମିଙ୍ଗିଁ ଆମା ସିକିୟା ସିଜିନାପ୍‌, ଆକା ପ୍ରବୁଦି ସିକିୟା । ପ୍ରବୁଦି ୱାନିଦିନ୍‌ତୁ ମାଡ୍‌ ଆମାକାର୍‌ ଜିବନ୍‌ମାନିକା, ପୁର୍ବେଦାନ୍‍ ସାତିମାନି ଲୋକାମାଣ୍‌କୁ ଆଗ୍‌ଡ଼ି ଆଜି ସଲ୍‌ଇକା । 16 ନାସ୍ତିୱାଲେ ପେରି ବଲ୍‌ତାନ୍‌ ଉନ୍‌ଡ୍ରି ଆଦେସ୍‌ ଆନାତ୍‌, ପେରି ମୁସ୍‌କୁପୁର୍‌ତି ଦୁତ୍‌ତି ବଲୁ ୱେନିଦେର୍‌, ମାପୁରୁଦି ମରିବାଜା ଆଉଲି ୱେନିଦେର୍‌ ମାରି ପ୍ରବୁ ମୁସ୍‌କୁପୁର୍‌ତାନ୍‌ ରେସିୱାନାନ୍‌ । କ୍ରିସ୍ତମାନୁ ବିସ୍‌ବାସ୍‌ କିଜି ଆମାକାର୍‌ ସାତାମାନାର୍‌, ୱାର୍‌ ଆଗ୍‌ଡ଼ି ଜିବନ୍‌ଆଜି ନିଙ୍ଗିଁନାର୍‌; 17 ତାନେୱେନ୍‌କା ମାଡ୍‌ ଆମାକାର୍‌ ଆୟା ସମୟ୍‌ତୁ ଜିବନ୍‌ ତେବାନାମାନାପ୍‌, ବାଦ୍‌ଡ଼ତୁ ୱାରି ୱାଲେ ନିଙ୍ଗିଁଜି ୱାର୍‌ ବାଦଡ଼୍‍ତି ଦୁରିଦୁ ପ୍ରବୁଦି ୱାଲେ ବେଟ୍‌ଆନାର୍‌, ତାନେୱେନ୍‌କା ମାଡ୍‌ ୱିଜୁଦିନ୍‌ତିଙ୍ଗ୍‌ ପ୍ରବୁଦି ୱାଲେ ମାନିକା । 18 ମାରି, ଇୟାୱିଜୁ ମାଟା ୱେର୍‍ସି ମିର୍‌ ନିଜେନିଜେଦିଙ୍ଗ୍‌ ୱେଡ଼ିକା କିଦୁ ।