8 ମାତର୍‌ ଏ ନା ତଡ଼୍‍କୁ, ପ୍ରବୁଦି ଲାକ୍‌ତୁ ଉଣ୍ତ୍ରି ଦିନ୍‌ ଜେ ଅଜାର୍‌ଅଜାର୍‌ ବାର୍ସେକ୍‌ ୱାଜା ମାରି ଅଜାର୍‌ଅଜାର୍‌ ବାର୍ସେକ୍‌ ଜେ ଉଣ୍ତ୍ରି ଦିନ୍‌ ୱାଜା, ଇୟା ଉଣ୍ତ୍ରି ବିସୟ୍‌ ମିରୁ ବାଣାମାଟ୍‌ । 9 ୱେଡ଼ାଆନାତ୍‌ ଇଜି ଏଣ୍ତେସ୍‌ ଏସଲୋକ୍‌ ଅଡ଼୍‌ବିନାର୍‌, ପ୍ରବୁ ନିଜେଦି ପାର୍‌ମାଣ୍‌ ପୁରା କିଦେଙ୍ଗ୍‌ ୱେଡ଼ା କିଏନ୍‌, ମାତର୍‌ ଏଣ୍ତେସ୍‌ ଏନ୍‌ ନାସ୍ଟୁ ଆଏର୍‌, ୱିଜେରେ ମୋନ୍‌ତିଙ୍ଗ୍‌ ବାଦ୍‌ଲେ କିନାର୍‌, ଇକା ବଦା କିଜି ୱାନ୍‌ ମି ଉଣ୍ତିଙ୍ଗ୍‌ ୱିଜୁଦିନ୍ ସାସ୍‌ ଆସ୍‌ସି ତେବାତାମାନାନ୍‌ ।

10 ✝ ୩:୧୦ ମାତିଉ ୨୪:୪୩; ଲୁକ ୧୨:୩୯; ୧ ତେସଲନିକିୟ ୫:୨; ପ୍ରକାଶିତ ୧୬:୧୫. ମାତର୍‌ ପ୍ରବୁଦି ଦିନ୍‌ ଡଙ୍ଗାଁର୍‍ଏନ୍‌ ୱାଜା ୱାନାତ୍‌ । ଆୟା ନାଣ୍ତିଙ୍ଗ୍‌ ବାଦଡ଼ୱିଜୁ ଉନ୍‌ଡ୍ରି ନାଣ୍ତ ଆଉଲିଦାନ୍‍ ୱିଜୁ ମାର୍‌ଗାନାତ୍‌, ମାରି ବାଦଡ଼ତି ଗ୍ରହ ସୁକେଙ୍ଗ୍‌ୱିଜୁ ୱେଜି କାସ୍‌ସି ଦଂସ ଆନେ ମାରି ଦୁନିଆ ସିକିୟାଦାନ୍‌ ତାନି ୱିଜୁ ଜିନିସ୍‍କା ୱାଲେ ଦଂସ ଆନାତ୍‌ । 11 ଜଦି ଇୟାୱାଜା ୱିଜୁ ବିସୟ୍‌ ଦଂସ ଆନାତ୍‌, ଆର୍‌ତିଙ୍ଗ୍‌ ଅଡ଼୍‌ବିଜ ସୁଡ଼ୁଦୁ, ମି ଜିବନ୍‌ ଏଣ୍ତେସ୍‌ନାନିକା ଆନିକା ମାନାତ୍‌ । ଆକା ପବିତ୍ର ମାରି ମାପୁରୁଦିମାନୁ ସିଆୟ୍‍ ଆନିକା ଅରେନ୍‌ ଦର୍‌କାର୍‌ । 12 ମିରୁ ପ୍ରବୁଦି ଦିନ୍‌ତିଙ୍ଗ୍‌ କାପ୍‌କିଜି ତେବାନି ୱାଲେ, ଆକା ଏଣ୍ତେସ୍‌ ବେଗି ୱାନାତ୍, ଇୟାଉଣ୍ତିଙ୍ଗ୍‌ ନିଜେଦିଙ୍ଗ୍‌ ତିଆର୍‌ ଆଦୁ । ଆୟା ନାଣ୍ତିଙ୍ଗ୍‌ ବାଦଡ଼ୱିଜୁ କାସ୍‌ସି ଦଂସ ଆନାତ୍‌ । ବାଦଡ଼ତି ଗ୍ରହ ସୁକେଙ୍ଗ୍‌ୱିଜୁ ପୁରାନାଣ୍ତ ତାତିଦାନ୍‌ ତର୍‌ଲେଆନେ ସନେ । 13 ✝୩:୧୩ ପ୍ରକାଶିତ ୨୧:୧.ମାତର୍‌ ମାପ୍‍ ମାପୁରୁ ପାର୍‌ମାଣ୍‌ କିତିମାନି ଉଣ୍ତ୍ରି ପୁନି ବାଦଡ଼ ମାରି ପୁନି ଦୁନିଆଦିଙ୍ଗ୍ କାପ୍‌କିଜି ମାନାପ୍‌, ଆବେନୁ ଦାର୍ମୁଦିଲୋକୁ ତିଆର୍‌ ଆନାତ୍‌ ।